Malango 26:8 - Amazwi Yakwe Leza 2013

⁸ Acino Yawe ali pakutufumya mu mpanga ya Eguputo ku maka yakwe nu ku nzyansyo zyakwe. Wene wacisile ivinjelengwe ni vizungusyo, nga nu kucita ivintu ivyakoofya.

Malango 26:8 Iomraidhean Croise

Kufuma 12:37

Aina Izlaeli yakatuka ulendo ukufuma ku musumba wa Lamesesi ukuya ku musumba wa Sukoti. Aonsi apenzilwe yali manye 600,000, kufumyako anaci na ana.

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Yelemiya 32:21

Wafumizye umutundu wako wa ina Izlaeli mu mpanga ya Eguputo, umu vimanyililo nu ku vipezyamano, apakutambalika ikasa lyako lyamaka ni ngofyo zikulu.

Malango 34:11

Kutatala kwaya kasema mu Izlaeli uwatala wacita ivinjelengwe ni vizungusyo wakwe vivyo vino Yawe watumile Mose kuti acite kuli Falao na kuli yamusika yakwe avita, nga nu ku mpanga yonsi iya ina Eguputo.

Malango 34:12

Fwandi kutatala kwaya kasema nanti wenga uwatala aloleka nu kucita ivintu ivyakoofya wakwe vino Mose wacisile pa manso ya ina Izlaeli yonsi.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.