Malango 26:14 - Amazwi Yakwe Leza 2013

¹⁴ Nemo ntalile icikumi nanti acimwi lino nkulosya. Nemo ntafumya penepo icipande ica cikumi nanti acimwi nu kutwala apanzi lino ncili umukowele, nanti ukupeela ku afwe. Ala, we Yawe nemo nkakuyela nu kulondela amalamulo yonsi yano wapeela pa cikumi.

Malango 26:14 Iomraidhean Croise

Masamu 106:28

Yalaaitwika sile iyoko lyakwe Baali waku Peoli awino yakapepa nu kulya impolelwa yakocela afwe.

Masamu 18:22

Nemo nkalondela amasunde yakwe yonsi, nupya ntatala nafutatila amalamulo yakwe.

Yelemiya 16:7

Kutalaya nanti wenga uwakumokwela umukate kuli yano yakulosya apakuyatekezya umwenzo pali yano afwililwe. Kutalaya nanti wenga wakumumwesya amanzi akumutonsya ku mwenzo apa kulosya isi nanti nyina.”

Ezekelo 24:17

Utezya uleke yuvwe kuno ukusinsimokela. Utazuula insalu ku mutwe nanti kuzuula insapato zyako apa kulanga ukuti uli ni ndosya. Utavimba pa mulomo nanti kwezya ukulya icakulya ca pa ndosya.”

Oseya 9:4

Kuku kwene antu yatalapelelako amawila yakwe waini kuli Yawe, nanti ukumuzanzya ni mpolelwa zyao. Impolelwa zizyo zilaya wa cakulya capa ndosya, wensi akalya cakulya cico alakowela. Cakulya cico cilaya cakulya sile pamulandu wa nzala, asi wakwe cico cakupeela ku Ng'anda ikulu yakwe Yawe.

Aina Levi 21:1

Yawe anena Mose ati, “Vwanga kuli yasimapepo, ana yakwe Aloni, uyanene uti, ‘Simapepo atalinzile kuilenga ukuya uwamifitalila pakuzanwa mu zyandosya lino wakazi kakwe umwi wafwa

Aina Levi 21:11

Simapepo atalinzile ukwingila mu ncende umuli icala. Wene atalinzile kuilenga ukuya uwamifitalila nanti kukowezya Itaalu lyane lyamuzilo pa kulisya nu kuya ingila mu ng'anda umuli icala. Cisi cimwi cingaya icala cakwe isi nanti nyina kwene,

Aina Levi 7:20

Lelo umuntu wino wakowela ndi walya inyama ya wila wa utandano iyapeelwa kuli Yawe, umuntu wiyo alinzile kusukulwa mu ina Izlaeli.

Malaki 2:13

Nacuze cino mukacita aici: Mukasambezya kavuwa kakwe Yawe na minsozi inu. Mukalila nu kulosya pamulandu wakuti ndakai wene asisakamala nanti kupokelela amawila inu ni nsansa ukufuma mu minwe inu.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 15:5

ndi cakuti mwayela amasunde yakwe Yawe Leza winu nu mwenzo onsi nga nu kulondela ningo amalamulo yakwe yano nkumupeela apilelo.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 26:13

ulande kuli Yawe Leza winu uti, ‘Kusi icikumi nanti conga icati cisyala mu ng'anda yane. Natimpeela consi ku ina Levi, nu ku inamasi, nu ku ana asyale, na kuli yamukamfwilwa, wakwe vino wampeezile ilamulo kuti incite. Intakanyile kuyela nanti ukwilila ilamulo nanti lyonga pa malamulo yano wampeezile pa cikumi.

Malango 26:15

Ala kuko ukwiyulu kuno ukaikala, ku ncende yamuzilo, si ule usumbe amanso yako pa antu yako aina Izlaeli nu kuyapolelela. Si ule upolelele ni mpanga yao kwene iya uzombozi ukulu cuze nupya iivunde, wakwe vino walavile ivikolwe vitu.’