Malango 26:11 - Amazwi Yakwe Leza 2013

¹¹ Muce mwasansamuka nu kutaizya Yawe Leza winu pa vintu visuma vino wene wapeela kunomuli nu ku amu ng'anda inu. Lekini aina Levi pamwi na inamasi yano yakaikala namwe yize yailundanye ku kusansamuka kuko.

Malango 26:11 Iomraidhean Croise

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Kasambilizya 3:12

Acino nilwike ukuti cino swemo tungacita ukukwata insansa nu kuomba vino tungaomba lino tucili nu umi.

Kasambilizya 3:13

Swensi tulinzile ukulya nu kumwa nga nu kuilyokezya pa vintu vino twaombela. Vyonsi vii uwila wakwe Leza kunotuli.

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Kasambilizya 7:14

Lino ivintu vikukuzipila, wemo uwazanga, nga nupya lino intazi zyakuponela, uwaiusya ukuti a Leza akatuma vyoili, insansa ni ntazi. Utange umanye ivili nu kukuponela uku nkolelo.

Ezaya 65:14

Yene yalaimba inyimbo zya nsansa, lelo mwemo mulaalila sile impooma pamulandu ni myenzo ukuwaya.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

1 Kolinto 9:11

Lino twamunenyile ilandwe, cali wa kuta kwa mbezu zyamu mupasi. Uzye lyene icani cino tutangapokelela kufuma kuno muli cino tukuulilwa?

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

Malango 12:18

Mwemwe kwene kumwi na ana inu, aomvi inu alino na ina Levi akaikala ku misumba inu muce mwavilila vivyo vyonsi pa manso yakwe Yawe Leza winu, pa ncende yonga mpo iyakupepela penepo. Papo kwene ali pano muce mwaliila nu kusansamuka pa vintu vyonsi visuma vino Yawe Leza winu wamupeela.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 27:7

Nupya ali pano muce mwapeelela na mawila inu autandano, nga mukayalile papa kwene nu kutaizya Yawe pa manso yakwe.

Malango 28:47

Yawe wamupolelile muli vyonsi sile, lelo mwemo mwakana ukumutumikila ni myenzo iya nsansa nu luzango.

Filipi 4:4

Mwazanga mu Mwene. Nupya kwene nkuti mwazanga!