Malango 21:14 - Amazwi Yakwe Leza 2013

¹⁴ Lino palapita amanda ndi cakuti utazangile munoli, ale lyene ulinzile kumuta apite konsi kuno akasi. Utalinzile kumucita wa muzya nanti ukumukazya, pamulandu wakuti wamupatikizye ukumanyana na aliwe.

Malango 21:14 Iomraidhean Croise

Utandiko 34:2

Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe.

Malango 21:15

“Nga ndi cali umonsi umwi akweti aci yaili nga yoili kwene yamuvyalila ana, lelo umwana iyeli asi umwana wa mwanaci wino watemwisya.

Malango 22:19

Nupya yalinzile kumulifya impiya zyakwe siluva ukulingana umwanda onga nga yazipeele kuli isi wa mukazyana wiyo atatala wamanya umonsi, pamulandu wakuti umonsi wiyo waleta muzewanya ku mwanaci umwina Izlaeli. Nu kulunda pali cico, wene amatwalilila ukuya umuci wakwe, nupya atangamuta lino acili nu umi.

Malango 22:24

mulinzile kufumya yoili kwene kunzi ya musumba nu kuyatama na mawe mpaka yafwe. Mukazyana wiyo alinzile ukufwa pamulandu wakuti atapunzile kuti atuulwe, nanti angala wali mu musumba mukasi muno yange yamuvwe. Umonsi nawe alinzile kufwa pamulandu wakuti wene wacisile uzelele na wino yataisya. Mu musango uu amuno mulasisya inkota pakasi kinu.

Malango 22:29

wene alinzile alipile impango kuli isi wa mukazyana, kulingana ni mpiya zyakwe siluva amakumi yasano. Alino lyene amutole aye umuci wakwe, pamulandu wakuti wene wamupatikizye ukucita icansonyi nawe. Wene atangamuta lino acili nu umi.

Yakapingula 19:24

Si lolini, umwana wane umwanaci aewi nupya atatala wamanya umonsi, nga nu muci namuze aewi. Kanjafumizye panzi pakuti mucite cino mukasi kunoyali. Lelo mutaezya ukucita icamuzewanya icili consi ku muntu wi.”