Malango 2:8 - Amazwi Yakwe Leza 2013

⁸ “Acino itupitilizya ulwendo lwitu ukupuzya impanga ya Seili, itusya umuseo uwafuma mu Eloti na Ezioni Gebeli, nu kulungama kuli Yemba wa Musilya, nga tusenukila lwaku katutu itulungama nu museo uwamu lwanga uwaku Moabu.

Malango 2:8 Iomraidhean Croise

Utandiko 25:23

Yawe nawe amunena ati, “Munuli muli inko zili zya antu. Ulavyala antu yaili, yao alacimvyanya mu wikazi wao. Wenga alaya na maka ukuluta muze. Silenzi alaya muomvi wa muto.”

1 Yamwene 9:26

Umwene Solomoni wapanzile ni vyombo ku Ezioni Gebeli, pipi nu ku Eloti, mu nkumba yakwe Yemba Muyenzu, umu mpanga ya Edomu.

2 Yamwene 14:22

Walanga isi wafwa, Azaliya apokolola umusumba wa Eloti, aukuululula nga auwezezya ku ikazi yamu mpanga yakwe Yuda.

2 Yamwene 16:6

Apa nsita kwene ilya, Lezini umwene waku Asilya apoka umusumba wa Eloti nu kuzinga Ayuda aikalanga mwenemo. Aina Edomu ayano lyene yakukila mwenemo. Ali vino yikala mwenemo ukufika na pilelo kwene.

Mpendwa 21:4

Alino aina Izlaeli iyafuma ku Mwamba wa Holi iyapita ku nzila iyaya kuli Yemba Muyenzu, iyapambata impanga ya Edomu. Lelo umu nzila antu iyatonta iyaposiwa nu kuteka imyenzo.

Mpendwa 33:35

Iyasya Abulona iyaya yakuula insakwe ku Ezioni Gebeli.

Malango 1:1

Mu lupapulo luu muli amazwi yano Mose wavwanzile ku ina Izlaeli yonsi lino yali mu lwanga lwaku ufumondaka wa Luzi lwa Yodani. Yene yali mu cifoloma ca Yodani, pipi nu ku Sufi pakasi ka musumba wa Palani ku mbali yonga nga ni misumba ya Tofeli, Labani, Hezeloti, na Dizaabu ku mbali yuze.

Yakapingula 11:18

Lyene alino yakatwike nu kupita mu lwanga, iyapambata impanga ya ina Edomu ni ya ina Moabu, iyapita ku ufumondaka wa mpanga ya ina Moabu, nga iyakuula insakwe mu mbali ya Luzi lwa Alinoni. Yatingile mu mpanga ya ina Moabu, pano Luzi lwa Alinoni ali mumpaka na mpaka.