Malango 2:7 - Amazwi Yakwe Leza 2013

⁷ “Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

Malango 2:7 Iomraidhean Croise

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 24:35

Yawe wapolelela umusambazi wane cuze, nga wene wataya umukama. Wamupeela imfwele ni ng'ombe, siluva na zaabu, aomvi aonsi na anaci, nga na yapunda ni ngamila kwene.

Utandiko 26:12

Isaki walimile ivyakulya mu mpanga ilya, nga mu mwaka ulya wazombwile maila umwanda ukuluta vino wakomile, pano Leza wamupolelile.

Utandiko 30:27

Labani amwaasuka ati, “Leka ndandepo izwi. Ndi wantemwa utapita pano napendola nu kuzana vino Mwene Leza wampolelela mulandu uno twaya nawe pamwi.

Utandiko 39:3

Nawe waweni ukuti Yawe akaazwa Yosefu muli vyonsi vino akucita.

Utandiko 39:5

Ukufuma lino wapile Yosefu uwangalizi wapali vyonsi vino wakweti vyapa ng'anda, Mwene apolelela ng'anda ya mwina Eguputo mulandu wakwe Yosefu. Upolelelo wa Mwene wali pali vyonsi vino Potifa wakweti vyamu ng'anda, nga ni vyamu vyalo kwene.

Neemiya 9:21

Umu lwanga wayasakamile wakwe cimwi apa myaka amakumi yani. Yene yatulilwe nanti cimwi, nanti ukusizya yatatazile yasizye. Ingazo zyao nazyo zitatazile zivimbe nu kuwaya.

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Masamu 107:4

Yapulupuntanga umu lwanga, nu mu mapoli. Yatazanyile umusumba umwakwikala.

Masamu 31:7

Namasangalalanga nu kuzanga apa luse lwako, pano wewe walola mpiti ulanda wane, nu kumanya, wamanya mpiti ulanda wa mwenzo wane.

Masamu 90:17

We Mwene Leza witu, sungala uwatupolelela! Tupeele ukucimvya muli vyonsi vino tukacita. Icacumi sileka tuye nu longo muli vyonsi vino tukacita!

Kufuma 16:35

Aina Izlaeli yalyanga mana pa myaka amakumi yani, mpaka lino yafisile ku mpanga ya Kenani, kuno yaile yikala.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Oseya 13:5

Namusunzile mu mpanga iyumalale, umu lwanga mu cipuki.

Amosi 2:10

“Mwe ina Izlaeli anene namufumizye mu mpanga ya Eguputo. Nene namutungulwile mu lwanga pa myaka amakumi yani, kuti imupele impanga ilya ya ina Amoli.

Mpendwa 1:1

Pa wanda wakutandika uwa mwezi wakwe ciili, mu mwaka wakwe ciili pacisila lino aina Izlaeli yafumile mu Eguputo, Yawe wavwanzile kuli Mose mu Lwanga lwa Sinai ala ali mwi Taalu lya Ukongano, ati,

Mpendwa 14:33

Ana inu nayo yalazeuluka mu lwanga pa myaka amakumi yani, nu kucula pa kutalama kwinu suka ukufika lino umuntu wensi uwa munomuli akafwe.

Mpendwa 14:34

Mulacula pamulandu wi iifyo linu amanda amakumi yani, nu wanda onga mu manda yalya yano mwaile mwendezya impanga, ukwimilila umwaka onga. Ali pakuti mukacilole, mukasambilile vino kuvunukwa na Yawe kwaya!

Mpendwa 22:12

Lelo Leza anena Balamu ati, “Utezya ukuya nayo kweneko, nupya utezya ukuyatipwila pano yene antu yamwi apolelelwe.”

Mpendwa 32:13

Yawe wasokile aina Izlaeli nga aleka yalulumba mu lwanga pa myaka amakumi yani, mpaka inkulo yonsi ino itamuzanzizye ifwa.

Luka 22:35

Lyene Yesu ayauzya ati, “Lino namutumile kwaula kusenda cikwama, nanti mufuko wa kulengelamo vimwi, nanti ndyatu, uzye muulilwe cimwi?” Nao yaasuka yati, “Awe.”

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 1:46

“Acino mwatenzi mu Kadesyi amanda avule pa nsita yonsi ino mwali kweneko.

Malango 2:14

Ukutandikila pano twakatukile ku Kadesyi Banea ukwizafika na pano twalambile Luzi lwa Zeledi, papisile imyaka amakumi yatatu na cinani. Lilyo ala asilika yonsi yafwa, wakwe vino Yawe walafile kunoyali.

Malango 2:6

Ivyakulya vyao pamwi na manzi vyene mungakala.’

Malango 29:4

Lelo mwemo ukufika na pi lelo mutacili mupelwe amano akwiluka pa vintu vino mwailolile.

Malango 29:5

Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Yoswa 5:6

Aina Izlaeli yazeulukanga mu lwanga imyaka amakumi yani suka aonsi yonsi ali vita mu luko iyafwa, yonsi afumile mu Eguputo yano yatayezile Yawe. Pano Yawe walafile kunoyali ukuti yatalatala yalole impanga ino wene walavile ivikolwe vyao ukuti alaipeela kunotuli, impanga ilya ikulu nupya ivunde cuze.