Malango 2:5 - Amazwi Yakwe Leza 2013

⁵ Lelo mutalinzile ukuyasonka kuti mutandike ukulwa inkondo nayo, pamulandu wakuti intalamupeela impanga yao, nanti akacipande akalingine ukulyata sile ulwazo lwinu. Natimpeela impanga ya myamba ya Seili ku amu mupanda wakwe Esau.

Malango 2:5 Iomraidhean Croise

Utandiko 36:8

Acino lyene Esau (kuli kuti Edomu) aya aikala mu Seili impanga ya myamba.

Utandiko 36:9

Yaa ali amu mupanda wakwe Esau, cikolwe ca ina Edomu mu mpanga ya myamba ya Seili.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Ezekelo 35:2

“We mwana wa muntu, lozya amanso ku mpanga ya myamba iyaku Seili nga useme amazwi akuipeela imilandu.

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Milimo 7:5

Leza atapile Abulaamu nanti ciputulwa ca mpanga kuti iye impanga yakwe, nanti impanga kulingana nu lutampulo longa awe. Lelo Leza wamulavile ukumupeela impanga ilya, nu kuti ilaya impanga yakwe nga na amu mupanda wakwe kwene aliza cisila cakwe. Pa kasita kano Leza wacisile ulayo uu, Abulaamu atakweti ana.

Malango 2:22

Yawe wacisile icili cimwi ku ina Edomu, amu mupanda wakwe Esau, yano yatenzi mu mpanga ya myamba ya Edomu. Wene wononyile aina Holi, pakuti aina Edomu yapoke impanga yao nu kwikala mwenemo, muno yacili ikala ukufika na pilelo.

Malango 2:6

Ivyakulya vyao pamwi na manzi vyene mungakala.’

Malango 32:8

Leza wapapelapela wapeela inko impanga zyao. Aliwe wapimila antu imipaka umwakwikala Ukulingana ni mpendwa ya ana yakwe Izlaeli

Yoswa 24:4

nga Isaki nawe amupeela Yakobo na Esau. Napeezile impanga ya myamba iya Seili kuli Esau, lelo Yakobo na ana yakwe yatentemukile ku Eguputo.