Malango 2:25 - Amazwi Yakwe Leza 2013

²⁵ Ukutandikila sile ilelo kwene ne Yawe namaleka kuti antu konsikonsi yaoopa mwemwe. Antu yonsi yalazakaza ku ntete pa kuvwa izina linu.’

Malango 2:25 Iomraidhean Croise

Utandiko 35:5

Lino Yakobo na ana yakwe yatenuka, antu ali mu misumba yazingulwike yakanka sile ku ntete, nupya patali uwaposizye ukuya yazanza.

1 Milandu 14:17

Acino Davidi alumbuka wakwe cimwi umu mpanga ilya yonsi, nga Yawe alenga kuti amu nko zyonsi yamoopa.”

Masamu 105:38

Aina Eguputo yasekile apakukuka kwao, pamulandu wakuti yali ni ntete kunoyali.

Kufuma 23:27

“Antu yonsi yano yakamulwisya ndayalenga kuti yaye ni ntete kunomuli nupya ndalenga kuti yao amupata yaye avulungane cuze cakuti yalasimula kantapepela.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Mpendwa 22:3

Nga Moabu pamwi na antu yakwe yonsi iyuvwa intete cuze pamulandu wakuti kuku kwali aina Izlaeli aingi wakwe cimwi. Cumi kwene, aina Moabu yali ni ntete wakwe cimwi pamulandu wakulola aina Izlaeli.

Malango 11:25

Kutalaya umuntu nanti wenga alamucimvya. Yawe Leza winu aliwe alalimvya intete ku mpanga yonsi pakuti monsi muno mwapita antu yace yamoopa, wakwe vino wamulavile, nga kusi nanti wenga alalesyanya kuti mutacita cico.

Malango 28:10

Lyene antu yonsi pano nsi yalalola ukuti Yawe wasolola mwemwe kuti muye antu yakwe kololo, nga lyene yalaoopa mwemwe.

Yoswa 10:2

Apakuvwa vivyo aina Yelusalemu iciyasakamika sana, pamulandu wakuti Gibyoni wali umusumba ukulu wa musumba wakwisano. Wene wali ukulu ukuluta umusumba wa Ai nga na onsi akweneko yali ivita ivyampomvu.

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.