Malango 18:2 - Amazwi Yakwe Leza 2013

² Yene yatalinzile yakwate impanga, ndi vino imitundu yuze yakwata. Yawe ali cipande cao, wakwe vino wene wayalavile.

Malango 18:2 Iomraidhean Croise

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Masamu 119:57

We Yawe, wewe uli vyonsi kunondi, nalaya ukuyela amasunde yako.

Masamu 16:5

We Yawe, wewe uli vyonsi vino nakwata nu kumpela ukampela vyonsi vino nkalonda. Umi wane uli umu minwe yako.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Ezaya 61:6

Alino mwemo mulaamwa yasimapepo yakwe Yawe, mulaamwa yaomvi yakwe Leza witu. Mwemo mumailyokezyanga sile mwenga, apa vyuma vya mitundu yuze, ali muno mumaitakizyanga.

Nyimbo zya ndosya 3:24

Yawe ali cuma sile cino nakwata. Acino nemo namapaalilanga munoli.

Ezekelo 44:28

Pa ina Izlaeli a yasimapepo atupu tupu sile ali yano yatalakwata impanga yakuya icuma cao caupyanyi. Ni mpanga ingaya icuma cao anene sile ne Leza. Yatakapelwe icuma cakuti yaikwatila, nemweneco kwene anene namayanga icuma cao caupyanyi.

Mpendwa 18:20

Alino Yawe anena Aaloni ati, “Utalakwata icaupyanyi mu mpanga yao. Nupya utalakwata isala mu mpanga yao. Nene ne Yawe indaya isala alino ni caupyanyi cako pakasi ka ina Izlaeli.”

Mpendwa 18:7

Fwandi wewe sile pamwi na ana yako aonsi muce mwaomba umulimo wakwe usimapepo. Mwasakamala kavuwa na vyonsi ivyaya mu Ncende Yamuzilo. Muce mwaomba umulimo uli onsi wakwe usimapepo. Lelo umuntu wasilesile ndi wapalamila kweneko, alafwa.”

Malango 10:9

Ali cino aina Levi yatakwatila icipande ca mpanga. Yawe umwisikulu ali cuma cao ndi muno wene wavwanzile kunoyali.

Yoswa 13:14

Umutundu wakwe Levi onga sile uli uno yatankinye impanga, pasi pano uwila wakoca onsi uno ukapelwa kuli Yawe, Leza wa ina Izlaeli, cili caupyanyi cao, wakwe vino Yawe wayalavile.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.