Malango 16:8 - Amazwi Yakwe Leza 2013

⁸ Pa manda mutanda muce mwalya imikate isi na citutumusi. Lelo pa wanda uwalenga cinimbali, muce mwakongana pamwi nu kucindika ca pamwi Yawe Leza winu, nupya kusi ukuomba umulimo pa wanda uwo.

Malango 16:8 Iomraidhean Croise

2 Milandu 7:9

Apa wanda uwalenga cinani iyapepa ipepo ilya kupapata apa maifyo yao. Pasi pano apa manda cinimbali antu yayo yapaatwile kavuwa nga mu manda cinimbali nayauze iyazevya cimulo cico.

Neemiya 8:18

Cila wanda ukutandikila apa wanda uno yatandikile ukongano wa nsakwe, ukufika napa wanda uwakusyalikizya, Ezila wawelengelanga antu amazwi amu lupapulo lwa Masunde yakwe Leza. Yacindike icintu cii, apa manda cinimbali. Umu wanda wakwe cinani ali muno yacisile ukongano ukalamba uwamuzilo, ndi vino calembwa mu Mpapulo zyakwe Mose.

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Aina Levi 23:36

Pa manda cinimbali, cila wanda mulinzile ukupeela amawila akocela Yawe. Nupya pa wanda uwalenga cinani mulinzile kukongana pamwi ku mapepo nu ku kupeela amawila akocela Yawe. Uu, uwanda wa mapepo nupya mutalinzile ukuomba umulimo nanti umwi.

Mpendwa 28:25

Pa wanda uwalenga cinimbali muce mwalongana ku kupepa, nupya mutaezya ukuombamo umulimo uli onsi uno ukaombwa lyonsi.