Malango 16:4 - Amazwi Yakwe Leza 2013

⁴ Pa manda cinimbali patace pakaye umuntu nanti wenga uwakusunga icitutumusi mu ng'anda yakwe pali pamwi ni nyama ino mwafyuzile lino ilanzi lyawile pa wanda wa kutandika amanda yayo.

Malango 16:4 Iomraidhean Croise

Kufuma 12:10

Mutalinzile kusya nanti cimwi kuti cifike katondo. Ndi cimwi casyala mulinzile kucoca.

Kufuma 12:15

Lyene Yawe avwanga ati, “Pa manda cinimbali mutalinzile ukulya umukate umuli icitutumusi. Mulinzile ukulya sile umukate usi na citutumusi. Pa wanda wakutandika wa manda cinimbali mulinzile kufumya icitutumusi mu mang'anda inu. Pano ndi umwi mu manda cinimbali angalya umukate umuli icitutumusi, wene alinzile kusukulwa mu antu yane.

Kufuma 12:6

Mulinzile kusunga ningo kanyama kako kufika pa wanda uwalenga ikumi na yani uwamu mwezi kwene uu. Manguzi ya wanda kwene uwo aina Izlaeli yalakongana nu kufyula twasuku nanti twasawe twao.

Kufuma 12:8

Usiku wa wanda ulya yace yoce inyama, yalye nga nu mukate usi na citutumusi pamwi nu musalu ulule.

Kufuma 13:7

Pa manda cinimbali mutalinzile ukulya umukate umuli icitutumusi. Mu mpanga inu yonsi mutalinzile ukuya icitutumusi nanti umukate umuli icitutumusi.

Kufuma 23:18

“Pakumpeela uwazi wa nyama ya mpolelwa, mutaapelela pamwi nu mukate umuli icitutumusi. Mafuta ya mawila yane ya vimulo yatasungwa kufika katondo ka wanda walondelela.

Kufuma 34:25

“Mutaapela kunondi umukate umuli icitutumusi lino mukupeela impolelwa. Inyama ili yonsi ya mpolelwa yapa Cimulo ca Ucilo mutaisunga kufika ku katondo ka wanda walondelela.

Mateo 13:33

Yesu ayanena mulumbe nauze ati, “Uwene wa mwiyulu ukoline wa citutumusi cino umwanaci watozile atikanya nu usu wa ngano uwingi kufika lino umunya watutumuka.”

Malango 16:5

“Mutakezye ukufyulila inyama ya mpolelwa ya Cimulo ca Ucilo pasi pa ncende yonga kwene ino Yawe Leza winu alamupeela.