Malango 16:2 - Amazwi Yakwe Leza 2013

² Muce mwaya pa ncende ili yonga kwene iyakupepela penepo. Ali pano muce mwafyulila imfwele yonga pa mfwele zinu nanti ing'ombe, wa mpolelwa ya Cimulo ca Ucilo kuli Yawe Leza winu.

Malango 16:2 Iomraidhean Croise

2 Yamwene 23:21

Umwene Yosiya apeela ilamulo ku antu yonsi ati, “Zevini Cimulo ca Ucilo apakucindika Yawe Leza winu, wakwe vino calembwa mu Lupapulo lwa Upangano.”

2 Milandu 35:7

Yosiya ali pakupeela antu yasilesile azanyilwe kweneko utwana twa mfwele nu twa mbuzi utungafika uku mpendwa 30,000 apakuti yatuomvye, nga ni ng'ombe, na yacipambasi 3,000. Iviteekwa vivyo yavifumya umu ufyo wa mwene.

Mpendwa 9:2

“Ukaleke aina Izlaeli yace yaiusya ukuzevya Cimulo ca Ucilo pa nsita iyasontwa nga vino cilinzile ukuya.

Mateo 26:17

Pa wanda wakutandika kuzevya Cimulo ca Mukate usi na Citutumusi, alondezi iiza kuli Yesu yamuzya yati, “Uzye aukwi kuno ukulonda kuti tukakuteyanyizizye Cimulo ca Ucilo?”

Mateo 26:2

“Mwati mumanya vino kwasyala manda yaili kufika pa wanda wa kuzevya Cimulo ca Ucilo, nga nu Mwana wa Muntu alapeelwa kuti yamutane pa lupanda.”

Mako 14:12

Pa wanda wakutandika kuzevya Cimulo ca Mukate usi na Citutumusi, lino ana ya mfwele a Ucilo yakakomwa, alondezi yakwe yamuzya yati, “Uzye aukwi kuno ukulonda kuti tuye tukakuteyanyizizye Cimulo ca Ucilo?”

Luka 22:15

Alino ayanena ati, “Nkulondesya ukulya Cimulo cii ca Ucilo pamwi namwe lino ntali ncule!

Luka 22:8

Alino Yesu atuma Petulo na Yoane, ayanena ati, “Yangini mukatuteyanyizizye umwakulila Cimulo ca Ucilo.”

1 Kolinto 5:7

Mulinzile kufumya citutumusi ca mpiti ci iifyo, pakuti muye aswepe muli vyonsi. Lyene mulakolana wa munya wa ngano upya uwaulamo citutumusi nanti cimwi ndi vino mu cumi manyile avino muli. Pano Cimulo citu ca Ucilo cati citeyanyiziwa, nga Klistu, Mwana wa mfwele uwa ucilo watapelwa impolelwa.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:14

Muce mwatuulila amawila inu akoca pa ncende yonga sile ino Yawe alasolola, apakasi ka mutundu onga mu mitundu inu. Papo kwene sile ali pa kutuulila impolelwa zinu zyakoca nu kucitila penepo ivintu vyonsi ndi vino namupeela ilamulo.

Malango 12:18

Mwemwe kwene kumwi na ana inu, aomvi inu alino na ina Levi akaikala ku misumba inu muce mwavilila vivyo vyonsi pa manso yakwe Yawe Leza winu, pa ncende yonga mpo iyakupepela penepo. Papo kwene ali pano muce mwaliila nu kusansamuka pa vintu vyonsi visuma vino Yawe Leza winu wamupeela.

Malango 12:26

Lelo mulinzile kutoola amawila inu apaatulwa pamwi na mawila yauze yano mwalaya ukupeela kuli Yawe, nga muye ku ncende ino Yawe alasolola.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 15:20

Cila mwaka mwemwe pamwi na amu ng'anda zinu muce mwazifyula nu kuzilila pa manso yakwe Yawe pa ncende yonga ino wene wasolola.

Malango 16:1

“Muce mwacindika Yawe Leza winu mu kuwaka kuzevya Cimulo ca Ucilo mu mwezi wa Abibu, pamulandu wakuti ali mwezi kwene uno wamufumizye mu mpanga ya Eguputo, usiku.

Malango 16:3

Apa kulya icakulya cico mutakezye ukulya imikate umuli icitutumusi. Pa manda cinimbali musi nu kulya umukate umuli icitutumusi, wakwe vino mwacisile lino mwafumile mu mpanga ya Eguputo mu lwilo. Mukalye imikate iyo wa mikate ya ucuzi, pamulandu wakuti ilamwiusya vino mwacuzile cakuti amanda yonsi yano mulikala pano nsi mulaiusya uwanda ulya uno mwafumile mu mpanga ya Eguputo.