Malango 16:10 - Amazwi Yakwe Leza 2013

¹⁰ alino lyene imuzevya Cimulo ca Uzombozi, ukucindika Yawe Leza winu, pa kumuletela uwila wa kuitemelwa ukulingana na vino wene wamupolelela.

Malango 16:10 Iomraidhean Croise

1 Milandu 29:14

“Lelo nene pamwi na antu yane pasi cimwi cino tungakupeela, pamulandu wakuti ivintu vyonsi uwila ukufuma kunuli, nga naswe twatitukuwezezya sile ivyakwako.

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

Kufuma 35:29

Caleka aina Izlaeli yonsi aonsi na anaci kwene yano yalondanga kupeela vintu vyao nu mwenzo wao onsi ku milimo ino Yawe wapeezile ilamulo kupitila muli Mose, yaleta amawila yao akuitemelwa kuli Yawe.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Aina Levi 12:8

Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.

Aina Levi 23:15

“‘Mwapenda imilungu ipuma cinimbali pacisila ca wanda wi Sabata, lino mwalesile umwanzi wa wila wakuswelula.

Aina Levi 25:26

Ali wensi wino atakweti mwina wakwe uwakukulula impanga ino wakazizye, limwi mukaya amanda angaya mukama akwate ni mpiya zingi zyakukulula impanga yakwe.

Aina Levi 5:7

Lelo ndi cakuti umuntu atakweti umwana wa mfwele nanti wa mbuzi, lyene atoole ivipeele viili nanti utwana twa nkunda twili kuti viye ivyakupeela kuli Yawe, alipile pa maifyo yakwe. Conga ciye uwila wa kwelela amaifyo ni cuze ciye uwila wakoca.

Mpendwa 28:26

“Pa wanda wankolelo uwakuzevya Cimulo ca Uzombozi, lino mukapeela iviseekwa vyankolelo kuli Yawe, muce mwakongana pamwi ku kupepa, nupya mutakezye ukuombamo umulimo uli onsi uno ukaombwa lyonsi.

Mpendwa 31:28

Ku cipande ca vita, ivyalwile inkondo ufumye kweneko uwila wakwe Yawe. Icintu conga pa myanda isano muli cila vintu, ciye mu viteekwa, mu antu, muli yapunda nanti mu viteekwa vinono.

Mpendwa 31:37

nga muli zizyo, 675 uli wila uno yapaatwilile Yawe,

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

2 Kolinto 8:10

Ilango lino nkweti ilyakuti cingamuzipila kumalila vino mwatandike mwacizo. Mwemo mwali a nkolelo, asi sile mu kucita, lelo nu mu kutemwa kucita.

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 16:9

“Muce mwapenda imilungu cinimbali ukufuma pa wanda uno mwatandika ukuzombola ingano zinu,