Malango 15:6 - Amazwi Yakwe Leza 2013

⁶ Yawe alamupolelela wakwe muno walavile. Mulakongwesya impiya ku antu amu nko izingi, lelo mwemo mutalaazima nanti acimwi kunoyali. Mulateeka inko izingi, lelo kusi uluko ululamuteeka.

Malango 15:6 Iomraidhean Croise

1 Yamwene 4:21

Uwene wakwe Solomoni watandikile ku Luzi lwa Yufulate mpaka nu ku mpanga ya ina Filisti, ukufika nu ku mupaka wa Eguputo. Antu amu mpanga zii yasonkanga imisonko kuli Solomoni nu kumutumikila amanda yonsi ya umi wakwe.

1 Yamwene 4:24

Pano wene wateekanga amawene yonsi ayela lwaku uwondaka wa luzi lwaku Yufulate, ukutandikila ku Tifisa mpaka ukufika ku Gaza, nupya mwali umutende mu mpanga yakwe ni mpanga zyonsi izyamuzingulwike.

1 Milandu 17:27

Acino nkukulenga kuti upolelele amu mupanda wane ne muomvi wako, kuti yatwalilile ukuya nu longo umuyayaya. Pasi pano we Yawe wayapolelela mpiti, nga yalaya apolelelwe umuyayaya.”

2 Milandu 9:26

Uwene wakwe walundulwike ukutandikila sile uku Luzi lwa Yufulate mpaka ukufika uku mpanga ya ina Filisti nu ku mupaka waku Eguputo.

Ezila 4:20

Kwatalanga kuya na yamwene amaka ateekanga mu Yelusalemu yayo atesile impanga yonsi mpaka nu ku mbalama ya luzi lwa Yufulate. Yasonkesyanga ni misonko ya pa mwili wa muntu, iya miseo ni milaza.

Neemiya 9:27

Fwandi nawe ali cino wayapile mu makasa ya anisi yao, nayo ali pakuyacuzya. Na lino yacuziwa cuze yapunzile ntulwe kunoli. Nawe ali pakuyuvwa ukwako kwiyulu, nga ku luse lwako ulukulu uyapeela akuyatuula, akuyakuulula ku anisi yao.

Masamu 112:5

Wasyuka umuntu wiyo uwaya nu mwenzo wa kukopesya auze, wiyo atakwata ucenjezi muli vyonsi vino akacita.

Masamu 37:21

Umuntu mwipe akakongola ukwaula nu kulipa. Lelo umusuma wene waya nu wila nu kupeela akapeela.

Masamu 37:26

Insita ili yonsi akakumbusuka, nu kukongwesya antu yauze, ana yakwe yalaya apolelelwe.

Mapinda 22:7

Umukama akateeka alanda. Kakongola nawe akaya umuzya wakwe wiyo uwamukongwesya.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Malango 15:5

ndi cakuti mwayela amasunde yakwe Yawe Leza winu nu mwenzo onsi nga nu kulondela ningo amalamulo yakwe yano nkumupeela apilelo.

Malango 28:44

Yene yalakwata impiya izya kumukongwesya, lelo mwemo mutalakwata nanti akamwi aka kuyakongwesya.