Malango 14:1 - Amazwi Yakwe Leza 2013

¹ “Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Malango 14:1 Iomraidhean Croise

Utandiko 6:2

Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa.

Utandiko 6:4

Lyene mu manda yalya nu mu manda alondelela kwali vipombolo vya antu pano nsi, vivyo ivyavilwe ku anaci atwitwe ku ana yakwe Leza aonsi. Yene yali ali antu yamaka, alumbuke.

1 Yamwene 18:28

Acimo yakasema yaya pali pakulemasya kupepa Baali. Yatandika nu kuicembola ku vipeni nu kuitotola na masumo ukulingana na vino aisikulu yatailanga ukuti ali kuisangulula icakuti na mawazi yamati na cacacaca!

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Yelemiya 16:6

Akama na apina yalafwa mu mpanga kwene ii, lelo kusi umwi alayazika nanti kuyalosya, nanti uwakuicemba nanti ukupela ulukuzu apamulandu wao.

Yelemiya 3:19

“Nene nenga ne Yawe nelenganya vino ningakwingizya mu lupwa lwa ana yane, nu kukupeela impanga ya luzango. Cico icisuma ukuluta ni mpanga zyonsi izyaya panonsi. Nelenginye ukuti uwangama wakwe so, nu kumfutatila utalamfutatila, utalata nu kundondela.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Yelemiya 41:5

kwizile kweneko aonsi amakumi cinani ukufuma ku Syekemu, uku Syilo nu ku Samaliya. Ala yatiyapela ni vilezu, yatiyalepola insalu zyao nu kuicembola imiili monsi monsi. Yasenzile vyakutuula uwila ni vyakusukilizya ivyakutwala ku Ng'anda ikulu yakwe Leza.

Yelemiya 47:5

Antu aku Gaza yatiyapela inkuzu apakulosya. Umu Asyikeloni mwazuka. Nawe we Asyidodi, wemuno wasyala mu ina Anaki, uzye umaicembola mpaka lilaci?

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Aina Levi 21:5

“‘Simapepo atakezye ukupela inyele ku mutwe wakwe nanti ukupela mumbali ya vilezu vyakwe, nanti kuicembola ku mwili wakwe, kulanga ukuti watafwilwa.

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Loma 8:16

Mupasi wakwe Leza akatulenga kuti cumi tuye sweswe ana yakwe Leza.

Loma 9:26

Nu ku cifulo kuno Leza wayanenyile ati, ‘Mwemo musi antu yane,’ kuko kwene akuno yalamwa ana yakwe Leza wa umi.”

Loma 9:4

Yene antu yakwe Leza yano wasolola kuti yaye ana yakwe, nga nu kusokolola lulumbi lwakwe kunoyali. Leza wacisile cipangano nao nu kuyapela Masunde. Wayasambilizye vino yangamupepa mucumi. Wafikilizye malayo yakwe kunoyali.

Loma 9:8

Kuli kuti, asi ana onsi avyalwa ku akwasi ali a Izlaeli mucumi. Lelo ana avyalwa pamulandu wa ulayo wakwe Leza ali ana yakwe mucumi.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Malango 13:18

cikulu sile namwe mwayela Yawe Leza winu, nu kusunga amalamulo yonsi yano nkumupeela pilelo nu kucita ivilungame pa manso yakwe.”

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

1 Tesalonika 4:13

Mwe ina itu, tukulonda kuti mumanye cumi pamulandu wakwe yao afwa, kuti mutaya nu ulanda, wa antu asi nu upaalilo.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

1 Yoane 5:2

Muli cii twamanya ukuti twatemwa ana yakwe Leza, lino twatemwa Leza nu kuyela masunde yakwe.