Malango 13:5 - Amazwi Yakwe Leza 2013

⁵ Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 13:5 Iomraidhean Croise

1 Yamwene 13:19

Awe mukwai kasema wakwe Leza aswilila mwenemo pamwi nawe ku ng'anda yakwe, aya alya icakulya nu kumwa amanzi kweneko.

1 Yamwene 18:40

Eliya pali pakuvwanga ati, “Lemini yakasema yakwe Baali! Mutaleka nanti wenga apuuke! Lino yayalema, Eliya pali pakuyasenda ku Cifoloma ca Kisyoni nga akuno ayakomela.”

2 Milandu 34:31

Lilyo ala umwene Yosiya, aimi mu pipi nu lucesi ulwimililanga yamwene yonsi. Aswilizya nu kulaya upangano wakuti amayelanga sile Yawe. Amasunganga mu cisinka amasunde yakwe ni vipope vyonsi nu kulawaka amasunde ukulingana na muno yalembelwa umu lupapulo kwene lulo.

Yelemiya 14:15

“Nemo nkukunena we Yelemiya vino nemo nasya ncite ku antu yayo yakasema yano nemo ntatala natuma, yayo akalanda vino nemo ntayanenyile. Yene yakalanda ukuti kutalapona inkondo nanti icipowe umu mpanga ii. Ala nemo ndayakoma uku lupanga nu ku cipowe.

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Yelemiya 50:6

“Antu yane yali wa mfwele ziponge, yakacema yao ali yano yayaponzizye. Yayasile yakuzeuluka mu mpanga, yakululumba ukufuma ku mwamba uu yaya ku mulundu uze. Yasuka yaponga ni kola lyao lyampomvu.

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Zakaliya 13:3

Alino umwi ndi waca watwalilila ukusema, isi na nyina, yayo amuvyalilila yalamunena yati, ‘Wemo ukulonda imfwa, pasi pano ukuitunga ukulanda amazwi yakwe Yawe, lino fwandi ivyaufi sile vino ukulanda.’ Alino ndi waswilizyapo ukusema, lyene isi na nyina amuvyalilila, ali yano yalamutota icanzo mpaka yamupulinkanye, pamulandu wakusema ivyaufi.”

Milimo 13:8

Lelo Elima, (Elima kuli kuti uwa malele), wene ayalesya ala akwezya ukucicintila mulasi kuti atataila Ilandwe Lisuma.

1 Kolinto 5:13

Cili ndi vino calembwa mu malembelo cati, “Zingini umuntu ali wensi mwipe uwa munomuli.”

Malango 13:10

Uwakutama na mawe mpaka afwe! Wene wezizye ku mufumya kuli Yawe Leza winu, wino wamutuuzile ukufuma mu Eguputo, muno mwali azya.

Malango 13:15

lyene mukome antu yonsi kwene amu musumba uwo kumwi ni viteekwa vyao vyonsi. Monone nu musumba uwo muumalilile.

Malango 13:9

Cumi kwene mulinzile kumukoma. Wewe kwene ulinzile ukutandikilapo ukumutama iwe alino yauze yalondelelepo.

Malango 17:5

muce musende umuntu wiyo ukunzi ya musumba nu kumutama na mawe mpaka afwe.

Malango 17:7

Nupya yakambone kwene alinzile ukutandikilapo ukumutama na mawe, alino antu nayo yakonkezye. Umu kucita cii ali muno mungaifumizya ulukota luu.

Malango 18:20

Lelo ndi kasema ali wensi camukumba ukwezya kulanda mwi zina lyane lino nemo ntamupeela ilamulo kuti acite cico, wene alinzile akomwe, nga vivyo kwene avino mukacite na kuli kasema akalanda mwi zina lyakwe tuleza tuze.

Malango 19:19

ale lyene umuntu wiyo ali nu kuvunukwa wakwe vino wene wakasi umuze avunukwe. Mu musango kwene uu, ali vino mulaiswefya pa kufumya ulukota luu pakasi kinu.

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Malango 22:24

mulinzile kufumya yoili kwene kunzi ya musumba nu kuyatama na mawe mpaka yafwe. Mukazyana wiyo alinzile ukufwa pamulandu wakuti atapunzile kuti atuulwe, nanti angala wali mu musumba mukasi muno yange yamuvwe. Umonsi nawe alinzile kufwa pamulandu wakuti wene wacisile uzelele na wino yataisya. Mu musango uu amuno mulasisya inkota pakasi kinu.

Malango 24:7

“Wensi uwafunsya umwina Izlaeli muze nu kumucita umuzya nanti ndi wamukazya, wiyo wene uwa kukoma sile.

Malango 26:14

Nemo ntalile icikumi nanti acimwi lino nkulosya. Nemo ntafumya penepo icipande ica cikumi nanti acimwi nu kutwala apanzi lino ncili umukowele, nanti ukupeela ku afwe. Ala, we Yawe nemo nkakuyela nu kulondela amalamulo yonsi yano wapeela pa cikumi.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Malango 7:4

pamulandu wakuti yene yangalenga ana inu yafutatile Yawe nu kupepa tuleza tuze. Ndi cakuti cico cacitika, ale lyene Yawe alamusokela nu konona mwemwe lilyo kwene.

Yoswa 23:8

Lelo mulinzile kuya acumi kuli Yawe Leza winu, wakwe vino mwacita kufika ni lelo kwene.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Yakapingula 20:13

Lyene letini yakacita yampulupulu amu Gibeya kunotuli pakuti tuyakome nga tusisye inkota ii mu mpanga ya Izlaeli.” Lelo amu mutundu wakwe yakanyile ukuvwa ku yauze aina Izlaeli.

1 Samueli 12:14

Ndi cakuti mumaoopa Yawe nu kumutumikila nu kumuuvwila nu kuyela amasunde yakwe, nga ndi cakuti mwemwe pamwi nu mwene wino akumuteeka mwaya acumi kuli Yawe Leza winu, ale lyene ivintu vyonsi vilamuzipila.