Malango 12:3 - Amazwi Yakwe Leza 2013

³ Muce momolole utuvuwa twao, mutamole ni viumbili vya mawe, nu kuputola incesi zyakwe Asyela. Muputole nu tuluwi twakwe tuleza twao nu kulovya amazina yatuko mu ncende zizya.

Malango 12:3 Iomraidhean Croise

1 Yamwene 14:15

Yawe alavunuka Izlaeli, nga nawe alapungaila wi tete lyamu luzi. Wene alafumya aina Izlaeli mu mpanga ii isuma ino wapile ivikolwe vyao nga ayasalanganyizizye ku mbalama yuze ya Luzi lwa Yufulate, pamulandu wakuti yene yalenzile Yawe ukusoka pakuipangila amaunkolanya yakwe Asyela, ka leza kanaci.

1 Yamwene 15:13

Wafumizye na nyinakulu kwene pa cifulo cakwe namwene, pamulandu wakuti wene wapanzile unkolanya wakwe Asyela. Alino Asa atamola unkolanya uo nu kuoca mu Cifoloma ca Kiduloni.

2 Yamwene 11:18

Antu yonsi amu mpanga ilya yaya ku ng'anda ikulu yakwe Baali nga yaitamola. Yavungola tuvuwa nu tuluwi nga yakoma Matani simapepo wilya wakwe Baali apa nkolelo ya tuvuwa kwene tuto. Lyene simapepo Yeoyada aika yamalonda ku Ng'anda ikulu yakwe Yawe, akulonda kweneko.

2 Yamwene 18:4

Watamozile incende zyonsi izyakupepela mwenemo tuleza tuluwi. Watamozile na mawe yano yimikanga nu konona amaunkolanya yonsi yakwe kaleza kanaci ka Asyela. Alino watamile ni nzoka ya cela ino Mose wimikemo, pasi pano ukufika na pa nsita kwene ilya aina Izlaeli yatwalilile ukuyocela ubani. Inzoka kwene iyo apakuicindika yayamanga iyati Neusyitani, iyo ino ukufika na pa kasita kako aina Izlaeli yocelanga ubani.

2 Yamwene 23:14

Umwene Yosiya nupya atamola nu lucesi lwa mawe luno yimike nu kukomola ulucesi lwa unkolanya wakwe Asyela luno lwali ulucindame sana, nu kukolana lwakoline nu mwanaci. Aluno yapepanga pa kumucindika wakwe Leza wao. Na payelile ivintu vivyo, Yosiya aimika penepo amafupa ya antu.

2 Milandu 14:2

Asa wacitanga ivintu visuma ivyakuzanzya Yawe.

2 Milandu 14:3

Watandike ukutamola utuvuwa twa inamasi tuno yakuuzile nga ni ncende zya kupepela penepo. Fwandi waongolwile ivipilala vyamuzilo nu kuputola vimanyililo vyakwe Asyela.

2 Milandu 19:3

Lelo nanti cingaya vivyo, kuli ivisuma vimwi vino wacita, pasi pano wemo wonona maunkolanya yakwe Asyela umu mpanga ii yonsi nu kukwata umwenzo wakulondesya Leza cila nsita, vitalililika.”

2 Milandu 31:1

Lino vii vyonsi vyasila, aina Izlaeli yano yali kweneko yafuma nga yapita ku misumba yaku Yuda, yatamola incesi nu kuputola ivyaunkolanya vyakwe kaleza kanaci ka Asyela. Iyonona ni ncende zyakupepela penepo tuleza twao kumwi nu tuvuwa mu mpanga yonsi yakwe Yuda, na yakwe Benjamini, na Efulemu, na Manase. Pacisila ca konona vyonsi kwene, aina Izlaeli yaswilila ku misumba yao nu ku mpanga zyao.

2 Milandu 34:3

Umu mwaka wakwe cinani uwa kuteeka kwakwe Yosiya, ale acili sile akalumendo ka myaka ikumi na mutanda, wene watandike ukupepa nu kucindika sana Yawe Leza wakwe Davidi icikolwe cakwe. Ipapita sile imyaka ini, atandika ukutamola incende zizi muno yapepelanga tuleza utuluwi kumwi nu unkolanya wakwe ka leza kanaci ka Asyela. Atamola nu tuluwi tuze tonsi utwasyala.

Masamu 16:4

Yayo akapamviwa ukupapata tuleza utuluwi, yakailetela sile intazi. Nemo ntalatala nezye ukutuula impolelwa ya wazi nanti ukupepa tuleza twao tuto.

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Kufuma 34:13

Mwawisya tuvuwa twao, monone amawe yao amuzilo yano iimika, nupya muwisye incesi zyakwe Asyela.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Yelemiya 17:2

Antu inu yakapepa pa tuvuwa na pa maunkolanya yano yakuulila kaleza kanaci ka Asyela, umwisika lyakwe cila cimuti icilembe, apa twamba papela,

Oseya 2:17

Ndamulesya kuti atakatale aezye ukulumbula amazina yakwe Tubaali nupya. Endi, antu yatalatala yame apa mazina yayo.

Mika 5:14

Ndawisya amaunkolanya inu yakwe Asyela umu mpanga inu, nu konona imisumba inu.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

Malango 12:4

“Mutakezye ukupepa Leza winu mu musango uno antu yayo yakapepela tuleza twao.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.

Umbwilo 13:1

Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?