Malango 12:29 - Amazwi Yakwe Leza 2013

²⁹ “Yawe Leza winu alonona antu amu nko zyuze lino mulasawanga impanga yao, nga namwe mulapoka impanga iyo nu kwikala mwenemo.

Malango 12:29 Iomraidhean Croise

2 Milandu 33:2

Umu kukonkelezya ivicitwa vya mitundu ino Yawe wazinzile umu mpanga apakuti antu yakwe yikale mwenemo, icalenzile Manase ukwifya kuli Yawe.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Kufuma 23:23

“Mungeli wane alakolela ku nkolelo inu, nupya alamutungulula ku mpanga ya ina Amoli, aina Hiti, aina Pelizi, aina Kenani, aina Hivi nga na Yebusi, nupya ndayonona yonsi.

Malango 12:30

Pacisila lino Yawe alamalila ukonona antu amu nko zizi, namwe muce mutekele pa kukana londelela imipepele yao, pamulandu wakuti mungailetelela pa kuuzya imuti, ‘Uzye mu musango ci uno antu amu mitundu ii yakatumikila tuleza twao? Naswe kwene tulinzile ukucita vino yakacita.’

Malango 19:1

“Pacisila lino Yawe Leza winu wamala ukonona antu aineco ya mpanga ino wene akupeela kunomuli, nga na pacisila lino mwemo mwayacocovya ukunzi nu kwikala mu misumba yao na mang'anda yao,

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yoswa 23:4

Iusyini vino napeezile impanga yao yonsi ku mitundu inu kuti iye icaupyanyi, impanga ya antu yonsi yano nacimvya ni ya antu yonsi yano yasyala pakasi ka Luzi lwa Yodani nga na Yemba wa Adiliya lwaku ufumondaka.