Malango 12:12 - Amazwi Yakwe Leza 2013

¹² Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

Malango 12:12 Iomraidhean Croise

1 Yamwene 8:66

Alino uwanda wakwe cinani, Solomoni asalanganya antu kuti yaye kumwao. Yonsi pyu apakupita yataizya Solomoni wakwe cimwi nu kupita yapita nu luzango ulukalamba sana apamulandu ni vintu ivisuma vitupu vino Yawe wacitile umuomvi wakwe Davidi pamwi na antu yakwe aina Izlaeli.

2 Milandu 29:36

Lyene Hezekiya pamwi na antu yonsi iyazanga pamulandu wa vintu vino Leza wayacitila, pasi pano Leza wayazwilizye ukucita ivintu vivyo zuwazuwa.

Neemiya 8:9

Alino lyene umulasi Neemiya, Ezila simapepo na kalemba, nga na ina Levi nayo ale yakulondolwela antu yonsi. Iyayanena iyati, “Uwanda wilelo upolelelwe, upaatwilwe kuli Yawe, Leza winu. Cisi cakwezya kuti muuzikwe nanti ukulukusya aminsozi.” Pano antu yonsi yalilanga aminsozi lino yuvwa amazwi ya Masunde yayo. Ali cino yavwangile vivyo.

Masamu 147:1

Lumbanyini Yawe! Ukulumbanya Leza witu mu nyimbo kwazipa. Icansambu nupya calinga ukumulumbanya.

Aina Levi 23:40

Pa wanda wakutandika, mwasenda iviseekwa vinu visuma ukuluta ukufuma ku vimuti vinu ivya viseekwa. Mwasenda misambo ya tuncindu ni misambo ya vimuti vino vyakwatisya mafwa. Ndi mwacita vii alino mutandika cimulo ca mapepo yakucindika Yawe, Leza winu.

Mpendwa 18:20

Alino Yawe anena Aaloni ati, “Utalakwata icaupyanyi mu mpanga yao. Nupya utalakwata isala mu mpanga yao. Nene ne Yawe indaya isala alino ni caupyanyi cako pakasi ka ina Izlaeli.”

Mpendwa 18:26

kuti anene aina Izlaeli ati, “Lino mwapokelela uwila wa cikumi ukufuma ku ina Izlaeli, uno namupeela ukuya wa cuma cinu, mulinzile mwafumya penepo icipande icalenga ikumi ciye uwila ucindamisye wakwe Yawe.

Yoane 13:8

Petulo avwanga ati, “Utalinzile kufula ingazo zyane.” Yesu amunena ati, “Ndi ntafuzile ingazo zyako ale mu cumi usi wakwane.”

Milimo 8:21

Utakweti imbali nanti wankanyo mu mulimo witu, pano mwenzo wako usi wololoke pa manso yakwe Leza.

Malango 10:9

Ali cino aina Levi yatakwatila icipande ca mpanga. Yawe umwisikulu ali cuma cao ndi muno wene wavwanzile kunoyali.

Malango 12:18

Mwemwe kwene kumwi na ana inu, aomvi inu alino na ina Levi akaikala ku misumba inu muce mwavilila vivyo vyonsi pa manso yakwe Yawe Leza winu, pa ncende yonga mpo iyakupepela penepo. Papo kwene ali pano muce mwaliila nu kusansamuka pa vintu vyonsi visuma vino Yawe Leza winu wamupeela.

Malango 12:19

Mutaca mulekelezye aina Levi yano mwikala nayo mu mpanga inu.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

Malango 18:6

“Umwina Levi ali wensi wino akasi angiza ku ncende yonga iyakupepela penepo ukufuma ku musumba uli onsi mu Izlaeli.

Malango 26:11

Muce mwasansamuka nu kutaizya Yawe Leza winu pa vintu visuma vino wene wapeela kunomuli nu ku amu ng'anda inu. Lekini aina Levi pamwi na inamasi yano yakaikala namwe yize yailundanye ku kusansamuka kuko.

Malango 26:12

“Ndi papita imyaka itatu lyonsi uce uwapeela icikumi pa vilimwa vyako ku ina Levi, nu ku inamasi, nu ku ana asyale, nga na kuli yamukamfwilwa, pakuti konsi kuno yalaikala yataca yulilwe cimwi icakulya. Lino wamala ukucita cico,

Malango 27:7

Nupya ali pano muce mwapeelela na mawila inu autandano, nga mukayalile papa kwene nu kutaizya Yawe pa manso yakwe.

Yoswa 13:14

Umutundu wakwe Levi onga sile uli uno yatankinye impanga, pasi pano uwila wakoca onsi uno ukapelwa kuli Yawe, Leza wa ina Izlaeli, cili caupyanyi cao, wakwe vino Yawe wayalavile.

Yoswa 13:33

Lelo Mose atapile impanga imwi ku mutundu wakwe Levi kuti iye icaupyanyi. Yawe, Leza wa ina Izlaeli, ali caupyanyi cao, wakwe vino wayalavile.

Yoswa 14:4

Ana yakwe Yosefu yali imitundu paili, Manase na Efulemu. Aina Levi yatapezilwe icipande ca mpanga, suka sile imisumba iyakwikala mwenemo, na manyika aku cemelamo iviteekwa ivikulu ni vinono.