Malango 12:10 - Amazwi Yakwe Leza 2013

¹⁰ Ndi mwaca mwalamba Luzi lwa Yodani, Yawe Leza winu alamupeela amaka ya kupoka impanga nupya mulikala mwenemo. Alamucingilila ku anisi inu pakuti mungaca mwaikala ku matwi cele.

Malango 12:10 Iomraidhean Croise

1 Yamwene 4:25

Mu manda yonsi yano Solomoni wali umumi, Ayuda na ina Izlaeli yatenzi mu mutende, kutandikila ku Dani ukufika nu ku Belisyeba, cila muntu atulizye amatingi nanti amasamvu yakwe.

1 Yamwene 8:56

“Lumbanyini Yawe, wiyo uwapile antu yakwe aina Izlaeli ukwikala ku matwi cele ndi muno we mweneco walavile. Awewe wasunga ulayo wako onsi utaizipila, vino walavile umuomvi wako Mose.

1 Milandu 22:18

Ayanena ati, “Yawe Leza winu ali namwe, nga amamupeela umutende uku mbali zyonsi. Wene wampile ucimvyo apa antu yonsi aikalanga umu mpanga ii, nga ndakai antu yayo yakutumikila mwemwe na Yawe kwene.

Masamu 4:8

Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.

Kufuma 33:14

Lyene Yawe avwanga ati, “Nene nemwisikulu namapita nawe, nupya nkalenga kuti uye nu mutende.”

Mapinda 1:33

Lelo wiyo wensi akatezya kunondi alaya umucingililwe. Alikala cele ukwaula icakumuletela intete.”

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Ezekelo 34:25

Ndapangana nazyo upangano cakuti zikasininkizyeko ukuti zilaikala umu longo. Ndafumyamo ivilyanyi mu mpanga yao, yalikala umutende mu lwanga nu kulala yalalala umu mitengo kwene, ni ntazi kutalaya.

Ezekelo 34:28

Yalata ukuya ivisampwa vya mitundu, ni vilyanyi vya mpanga vitalaayalya. Yalaikala mutende, kutalaya nupya uwa kuyacuzya.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Ezekelo 38:8

Ndi papita amanda aingi, kulaya insita imwi ino ndakupeela isunde lya kuzanza impanga imwi, muno antu yaikalila uku matwi cele ukwaula inkondo, ukutandikila sile pano antu yakolonganile ukufuma umu mitundu yuze iingi, nu kwiza muno myamba yamu Izlaeli, ino yasiile amapooli apa nsita ntali.

Malango 11:31

Mwasya mulambe Luzi lwa Yodani nu kupoka impanga ino Yawe Leza winu akumupeela. Lino mwaca mwapoka nu kwikala mwenemo,

Malango 3:27

Yanga papela ya Mwamba wa Pisiga ucecete lwaku katutu nu ku kaeya, nu ku ufumondaka nu ku uwondaka. Ukacecete ningo vintu vino umaya ukalole, pamulandu wakuti utalasya nupya ulambe imbalama ya Luzi lwa Yodani.

Malango 33:12

Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Malango 33:28

Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.

Malango 4:22

Nemo ndafwila kuno kwene. Ntalalamba Luzi lwa Yodani. Lelo mwemo mwasya mulambe nu kupoka impanga iya ivunde nga mwikale mwenemo.

Malango 9:1

“Uvwini kuno, mwe ina Izlaeli! Ilelo muli pipi nu kulamba Luzi lwa Yodani nu kupoka impanga umwikala antu amu nko nupya izya maka ukuluta mwemwe. Imisumba yao iikulu, nupya yakwata amalinga atali kufika nu mupela umwiyulu.

Yoswa 11:23

Acino Yoswa atoola impanga ilya yonsi, wakwe vino Yawe wapeezile ilamulo kuli Mose, nga aipeela ukuya icaupyanyi ku ina Izlaeli ukulingana ni mendela zya mitundu yao. Caleka mumu antu iyakwata upemwilo ku ulwi.

Yoswa 14:1

Zii zili mpanga zino aina Izlaeli yapilwe mu Kenani, zizyo zino simapepo Eleaza na Yoswa umwana umonsi wakwe Nuni pamwi ni ntunguluzi zya nko zya mitundu ya ina Izlaeli yankinye kunoyali.

Yoswa 3:17

Yasimapepo asenzile Mbokosi ya Upangano yakwe Yawe yimilila silili pa musili uume apakasi ka Luzi lwa Yodani, nga aina Izlaeli yonsi yala yakulamba, mpaka uluko lonsi ilulamba.

Yoswa 4:12

Amu mutundu wakwe Lubeni, na wakwe Gadi nga nu mutundu pakasi wakwe Manase ali yano yakolelile aina Izlaeli yonsi ala iyaipangasya ivyanzo, wakwe vino Mose wayatungulwile.

1 Samueli 7:12

Lyene Samueli atoola iwe nga alisimpa pakasi kakwe Mizipa na Syeni. Alitemela ni zina lyakuti Ebenezeli, nga avwanga ati, “Avino ukufika na paa Yawe uwatatwazwa.”