Malango 11:4 - Amazwi Yakwe Leza 2013

⁴ Mwailolile vino Yawe walovizye ivita vya ina Eguputo, kumwi ni mfwalasi na maceleta yao, pa kulenga kuti yamwele muli Yemba Muyenzu lilya lino yacocovyanga mwemwe.

Malango 11:4 Iomraidhean Croise

Masamu 106:11

Anisi yaunzilwe umu manzi, kutapuswike nanti wenga.

Kufuma 15:19

Aina Izlaeli yalamvile yemba pa musili uume. Lelo lino maceleta ya ina Eguputo ni mfwalasi na antu pansi iingile kuti yalambe yemba, Yawe alenga kuti amanzi yaswilile, na yonsi yamwela.

Kufuma 15:4

Wavwintile vita vya ina Eguputo na maceleta yao muli yemba, na yamusika yaviko ampomvu yamwelile muli Yemba Muyenzu.

Malango 1:40

Lelo mwemo, seleukini nga mutenuke nu kuswilila kulungama ku lwanga mupite umu nzila iyaya kuli Yemba Muyenzu.’

Malango 11:5

Alino na pali vino wamucitile mu lwanga mpaka mwiza mufika pa ncende ii.

Malango 2:1

“Mukusyalikizya tusuka tusenuka nga itutenuka kulungama ku lwanga, tupita umu nzila iyaya kuli Yemba Muyenzu, wakwe vino Yawe wapeezile ilamulo. Nupya twasumvile insita tula tukululumba mu mpanga ya myamba ya Edomu.

Ayebulai 11:29

Utailo uwalenzile kuti aina Izlaeli yalambe Yemba Muyenzu kwati apa musili ume. Lelo aina Eguputo lino yezizye kucita cili conga, yene yamwela.