Malango 11:15 - Amazwi Yakwe Leza 2013

¹⁵ Iviteekwa vinu navyo ndavimezezya umulemvwe mu mpanga inu, namwe kwene mulalya nu kwikuta.

Malango 11:15 Iomraidhean Croise

1 Yamwene 18:5

Walanga Aabu watanena Obadiya ati, “Leka tuce tupite ku tufukoka twa manzi nu ku manyika, kuti tukalengule ukungaya umulemvwe wakulya imfwalasi ni nyumbu zitu kuti zitafwa uku nzala.”

Masamu 104:14

Alino ukamezya nu mulemvwe uwakulya ing'ombe ni misalu iyakuomvya umuntu, ali pakuti angalima ivyakulya,

Yelemiya 14:5

Umu mutengo namo mpombo watasya akana kano aivyalile pamulandu wakuti kusi umulemvwe.

Yowelo 1:18

Iviteekwa navyo kwene vikulila inzala. Ing'ombe nazyo zikulukulungana pano zitakweti umulemvwe. Ni mfwele kwene zikulukuzewana.

Yowelo 2:19

Yawe aasuka antu yakwe ati, “Namamutumila ingano, ivyakumwa na mafuta, nupya mulikuta cuze. Ntalazumilizya nupya kuti ainamasi yamuwele nu kumutumfya.

Yowelo 2:22

Mutuuvwa intete, mwe nyama zyamu mpanga, pasi pano umulemvwe watiumela umu nyika. Imiti nayo yatiseeka iviseekwa. Amasamvu na matingi vyativivula wakwe cimwi.

Yowelo 2:26

Mulalya ivivule mpaka mwikute, alino mulalumbanya izina lyakwe Yawe Leza winu, wino wamucitila ivizungusyo. Acino antu yane yonsi kwene yatalazewana nupya, awe.

Aina Levi 26:5

Mukaatwalilila ukuzombola ivilimwa mpaka kufika ni nsita ya kukolonganika viseekwa. Nupya mukaatwalilila kukolonganika iviseekwa mpaka kufika ni nsita ya kukomela. Mukaalya mwikuta nu kwikala mu mpanga inu mutende.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Malango 6:11

Amang'anda yayo mwazula ivintu visuma, vino mwemo mutatutilemo, muno mwaya ni vifula vino mwemo mutimvile, ni vyalo vya matingi vino mwemo mutalimile nga ni miolivi ino mwemo mutalemile. Lino Yawe alamuleta mu mpanga ii, ndi mwaca mwalya mwikuta,

Malango 8:10

Mulailyokezya vyonsi vino mulalonda ukulya, nga nalino mwikuta muce mwataizya Yawe Leza winu pa kumupeela impanga ivunde ino wamupeela.