Malango 10:2 - Amazwi Yakwe Leza 2013

² nga nani ndalemba pa vipampa vya mawe yayo amazwi ali yamwi kwene na yano yali pa vipampa vya mawe ankolelo yano watamozile. Ulinzile ukwika vipampa vya mawe yayo mu Mbokosi.’

Malango 10:2 Iomraidhean Croise

1 Yamwene 8:9

Mukasi ka Mbokosi ya Upangano mutali nanti cimwi ukuluta pa vipampa vya mawe viili vino Mose wisile mwenemo, ukufuma ku Mwamba wa Holebu, kuko kuno Yawe wapangine upangano na ina Izlaeli lino yafumile mu Eguputo.

2 Milandu 5:10

Umukasi ka Mbokosi ya Upangano mutaya mwenemo nanti acimwi suka sile amawe yaili apapatale yano Mose wisile mwenemo ukufuma apa Mwamba wa Holebu, lino Yawe wapangine na ina Izlaeli lino yafumile uku Eguputo.

Kufuma 32:19

Lino Mose wafika pipi ni nsakwe nu kulola umwana wa ng'ombe nga na antu yakucina, asoka cuze cakuti asumba vipampa vya mawe vino vyali mu minwe yakwe vitamika. Cii cacitike mwisika ya mwamba.

Kufuma 34:1

Yawe nupya anena Mose ati, “Waza vipampa vya mawe yauze yaili wakwe yalya yaili akutandika nga nani ndalembapo amazwi yano yali pa vipampa vya mawe akutandika, vino watamile.

Kufuma 40:20

Lyene atoola vipampa vya mawe yaili ya masunde akoweka mu Mbokosi ya Upangano. Asomeka mipingilo mu vilemelo vya mbokosi, lyene aika ni ntupiko papela ya Mbokosi ya Upangano.

Malango 10:5

nga nani natentemwike umwamba. Lyene ndi muno Yawe wampeezile ilamulo, navisile mu Mbokosi ino napanzile, nga ndakai ali muno vikaikala.”

Malango 4:13

Wene wamunenyile vino mulinzile ukucita apakusunga upangano uno wene wacisile namwe, ukuyela Amasunde Ikumi, yano walemvile pa vipampa vya mawe viili.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.