Malango 10:12 - Amazwi Yakwe Leza 2013

¹² “Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 10:12 Iomraidhean Croise

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

2 Yamwene 10:31

Lelo Yeu atatekile mu kuyela amalamulo yakwe Yawe, Leza wa ina lzlaeli nu mwenzo wakwe onsi. Wene watwalilile kucita iviipe vino Yeloboamu umwana wakwe Nebati walenzile kuti aina lzlaeli yacita.

2 Yamwene 18:3

Hezekiya wacitanga ivintu ivisuma pa manso yakwe Yawe, ndi vino Davidi icikolwe cakwe wacitanga.

2 Yamwene 18:6

Na cico cali umukuti aliwe wenga sile wasakamalanga Yawe ukwaula ukumusangukila. Wene wayelanga amasunde yano Yawe wapile Mose.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 15:12

Ali pakupanga nu pangano uwakuti yamapepanga Yawe Leza wa vikolwe vyao ni myenzo yao nga nu mupasi wao onsi.

Yobo 36:11

Ndi cakuti yatontela Leza nu kumuombela, lyene yangaya nu longo amanda yao yonsi nu kuipakizya imyaka yao yonsi.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 128:1

Walongo umuntu wensi akaoopa Yawe, akalondela inzila zyakwe.

Masamu 145:20

Yawe akawaka yonsi amutemwa, lelo yakaifya yonsi yene akayalovya.

Masamu 18:1

Ulwimbo luu, ulwakwe Davidi luno wimbilile Yawe apa kumupususya umu minwe yakwe Saulo na anisi yakwe yonsi.

Masamu 34:9

Mwaya ni coopo kuli Yawe, mwe antu yamuzilo mwensi. Pano yayo akaoopa Yawe, yatuulilwa icintu nanti cimwi.

Masamu 81:13

“Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

Masamu 81:14

ngano lyene natinjacimvizya anisi yao, nu kuyatonsezya yao akayalwisya.”

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Ezekelo 11:20

Lyene alino yalayela ivipope vyane nu kuteekela apakuwaka amasunde yane. Yalaya antu yane, nga nani ndaya Leza wao.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Zefaniya 3:9

“Lyene ndasangulula amazwi ya antu amu mitundu yonsi, nga lyene yalapepa kuli ne Yawe nenga mpo nupya yatalapepa tuleza tuze lelo yalanjela.

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Luka 10:27

Nawe aasuka ati, “Uwatemwa Mwene Leza wako nu mwenzo wako onsi, nu umi wako onsi, na mano yako yonsi, na maka yako yonsi. Nupya uwatemwa umuzo ndi vino waitemwa.”

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Malango 10:11

Ali lino lyene wanenyile ukuya ku kutungulula mwemwe, pakuti mukapoke impanga ilya iye iyakwinu, ilya kwene ino walavile ukupeela ku vikolwe vinu.

Malango 10:13

nga nu kuyela amasunde yakwe yonsi yano nkumupeela ilelo kuti cikamuzipile.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 26:16

“Ilelo Yawe Leza winu wamupeela ilamulo kuti mwayela amasunde yakwe yonsi. Acino mulinzile mwasumbako amano nu kuyayela ni myenzo inu yonsi nu umi winu onsi.

Malango 27:10

Acino mwayela Yawe Leza winu nu kulondela amalamulo yakwe yano nkumupeela ilelo.”

Malango 30:16

Ndi mwayela amalamulo yakwe Yawe Leza winu yano nkumupeela ilelo, nupya ndi mwamutemwa, nu kumuyela, nu kulondela malamulo yakwe yonsi, ale lyene mulapelwa ulongo nupya mulaya uluko lwa antu avule. Yawe Leza winu alamupolelela mu mpanga ino muli pipi nu kupoka kuti iye iyakwinu.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Malango 6:24

Lyene alino Yawe Leza witu watupeezile ilamulo kuti twayela amasunde yaa yonsi nu kumucindika. Ndi twacita vii, ale lyene lyonsi kwene alawaka uluko lwitu nu kulupeela ulongo.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

1 Yoane 2:15

Mutatemwa insi nanti cintu cili consi icamu nsi. Umwi ndi watemwa insi, ale atatemwa Tata.

1 Yoane 5:5

Uzye aweni angacimvya vintu vyamu nsi? Suka sile umuntu wino wataila ukuti Yesu ali Mwana wakwe Leza.

1 Samueli 12:20

Samueli nawe aasuka ati, “Mutuvwa intete. Nanti angala mwacisile inkota zi zyonsi, mutata ukupepa Yawe. Lelo mwamutumikila ni myenzo inu yonsi.