Malango 1:8 - Amazwi Yakwe Leza 2013

⁸ Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 1:8 Iomraidhean Croise

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 15:16

Palapita mikulo ini lino amu mupanda wako yalaweluluka kuno mpanga, pano lyene ukwifya kwa ina Amoli ala kwafika pa kuyavunuka.”

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Kufuma 33:1

Pacisila ca vintu vii Yawe anena Mose ati, “Ufume kuno pamwi na antu yano wizile nayo ukufuma ku Eguputo uye ku mpanga ino nalavile ukuti indapeela Abulaamu, Isaki na Yakobo. Pa nsita, kwene ilya nayanenyile antu yalya inti, Mpanga kwene ii indaipela ku amu mupanda wao.

Yelemiya 32:22

Nupya wayapile impanga ii ino walavile ku vikolwe vyao apakulapa umulapo, impanga muno mukavovomoka iziya nu uci.

Ezekelo 47:14

Mulapoka mwensi ivipande ivilingane, pano ali vino nalavile ivikolwe vinu nu mulapo po inti, ‘Ndamupeela impanga, ilaya icuma cinu caupyanyi.’

Mpendwa 14:23

Kusi nanti wenga alingila mu mpanga ino nalavile ukupeela ivikolwe vyao. Kusi nanti wenga muli yonsi ali ni misuli kunondi alingila mwenemo.

Mpendwa 32:11

‘Nalapa ukuti pamulandu wakuti yatatwalilile ukuya acumi kunondi, kusi nanti wenga uwamu antu yonsi ali ni myaka amakumi yaili nanti ukuluta, yano yafumile mu mpanga ya Eguputo, alalola impanga ino nalavile Abulaamu, Isaki, na Yakobo.’

Malango 1:11

Si Yawe, Leza wa vikolwe vinu, aleke muvulileko amaila izimbi nu kumipolelela wakwe vino walavile!

Malango 1:35

‘Kusi nanti wenga uwamu mukulo uu uwipe alingila mu mpanga ivunde ino nalavile ukupeela ku vikolwe vinu.

Malango 10:11

Ali lino lyene wanenyile ukuya ku kutungulula mwemwe, pakuti mukapoke impanga ilya iye iyakwinu, ilya kwene ino walavile ukupeela ku vikolwe vinu.

Malango 11:24

Ponsi pano mulalyata palaya pa ncende inu. Impanga inu ilatandikila ku lwanga ku kaeya ukufika nu ku Myamba ya Lebanoni ku katutu, nu kufuma ku Luzi lwa Yufulate ukufika kuli yemba waku uwondaka.

Malango 11:9

Na pakuti muce mwikale amanda avule mu mpanga ino Yawe walavile ukupeela ivikolwe vinu na amu mupanda wao, impanga iya uzombozi ukulu cuze nupya iivunde.

Malango 2:29

suka tuce tulambe nu Luzi lwa Yodani, twingile nu mpanga ino Yawe akupeela kunotuli. Amu mupanda wakwe Esau, yano yakaikala mu Edomu, na aina Moabu, yano yakaikala mu Ali, yene yatuzumilizye ukupita mu mpanga yao.’

Malango 26:15

Ala kuko ukwiyulu kuno ukaikala, ku ncende yamuzilo, si ule usumbe amanso yako pa antu yako aina Izlaeli nu kuyapolelela. Si ule upolelele ni mpanga yao kwene iya uzombozi ukulu cuze nupya iivunde, wakwe vino walavile ivikolwe vitu.’

Malango 26:3

Muce mwaya kuli simapepo wiyo alazanwa pa luti pa nsita kwene iyo nu kumunena muti, ‘Nene kwene ilelo nkuizumilila kuli Yawe Leza wane ukuti ningila mu mpanga ino walavile ivikolwe vitu ukuti alapeela sweswe.’

Malango 28:11

Yawe alamupeela ana avule, ni ng'ombe zivule, ni vyakulya vivule mu mpanga ino walavile ivikolwe vinu ukuti alaipeela kuli mwemwe.

Malango 29:12

Mwimilile pano pakuti mupangane upangano uno Yawe Leza winu amapangana namwe, alino na pakuti muzumile amasunde ya upangano uwo.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 31:7

Lyene Mose aama Yoswa pa manso ya ina Izlaeli yonsi nga amunena ati, “Uposye nupya uzyansye. Wewe uli nu kutungulula antu yaa ku kupoka impanga ino Yawe walavile ukupeela ku vikolwe vyao, nupya ulinzile ukuyankanya wa caupyanyi cao.

Malango 34:4

Alino Yawe anena Mose ati, “Ikwene ili mpanga ino nalavile Abulaamu, Isaki, na Yakobo ukuti ndaipela ku amu mupanda wao. Natindeka kuti uilolekesye, lelo ntalakuzumilizya ukwingila mwenemo.”

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 6:10

“Wakwe vino Yawe Leza winu walavile ivikolwe vinu, Abulaamu, Isaki, na Yakobo, avino wene alamupeela impanga umwaya imisumba ikulu wakwe cimwi iyapolelelwa ino mwemo mutakuuzile.

Malango 7:12

“Ndi mwasumba amano ku masunde yaa nu kutekela ukuyalondela, ale lyene Yawe Leza winu alatwalilila ukuwaka upangano wakwe uno wacisile namwe nupya alamutemwa nu kutemwa kwakwe ukwa pe, wakwe vino walavile ivikolwe vinu.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Malango 8:1

“Cenjelini muyele amasunde yonsi yano natimupeela ilelo, pakuti muye nu umi, musande mu mpendwa, nga mupoke nu kwikala mu mpanga ino Yawe walavile ivikolwe vinu.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.

Ayebulai 6:14

Wene wavwanzile ati, “Nakulaya ukuti ndakupolelela nu kukupeela ana aingi.”

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.