Mako 1:7 - Amazwi Yakwe Leza 2013

⁷ Wakosolanga ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe.

Mako 1:7 Iomraidhean Croise

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Mateo 3:14

Lelo Yoane alonda akane ati, “Wewe ulinzile kuwatizya nene. Uzye pacani wanena kuti nkuwatizye?”

Mako 1:6

Yoane wazwalanga vizwalo vyapanzilwe ku mavumbu ya ngamila, nu musipi wa mpapa mu musana, ni vyakulya vyakwe vyali a makanta nu uci uwamu mpanga.

Mako 1:8

Nemo nkumuwatizya na manzi, lelo wene alamuwatizya na Mupasi Wamuzilo.”

Luka 3:16

Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto.

Yoane 1:27

Wene akwiza pacisila cane, lelo ntaine kusapula mikonda ya ndyatu zyakwe.”

Milimo 13:25

Lyene lino Yoane wali pipi nu kumala mulimo wakwe, avwanga ku antu ati, ‘Uzye mukwelenganya vino nene weni? Ala nemo nsi wiyo wino mukalolela. Lelo akunoli akwiza cisila cane, nani ntaine kusapula ndyatu ku ngazo zyakwe.’

Milimo 19:4

Paulo ati, “Uluwatizyo lwakwe Yoane lwali ulwakwe yao azenzukanga. Yoane wanenyile aina Izlaeli ukutaila muli wenga uwali nu kwiza pacisila cakwe, kuli kuti, muli Yesu.”

1 Samueli 25:41

Abigelo nawe pali pakukatuka, afukama afupime nga avwanga ati, “Nene muzya wakwe, nupya nene muiteyanye ukufula ingazo zya aomvi ya musambazi wane.”