Luka 7:6 - Amazwi Yakwe Leza 2013

⁶ Lyene Yesu apita nao. Lino wali pipi ni ng'anda, musika atuma yacuza yakwe ku kumunena ati, “Mwene, utaicuzya, pano nemo ntalinzile kuti wize mu ng'anda yane.

Luka 7:6 Iomraidhean Croise

Utandiko 32:10

Luse lwako ni cumi cino walanga kunondi vitandinzile ne muzya wako. Pakwiza nalamvile Luzi lwa Yodani ni ntuwa itupu, lelo ndakai nawela na maumba yaili.

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Mako 5:24

Yesu apita nawe, nga iumba likulu lilondela Yesu limuunganila.

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Luka 7:4

Lyene lino iiza kuli Yesu, yamupapata cuze yati, “Muntu wii alinzile kwazwiwa naawe.

Luka 7:5

Pano watemwa antu itu nupya aliwe watukuulila ing'anda ya mapepo.”

Luka 7:7

Caleka, nanti anene nemwisikulu, ntakuyelenganyizizya ukwiza kunuli. Lelo vwanga sile izwi, nu muomvi wane amapola.

Luka 8:49

Lino Yesu acili akuvwanga vii, inkombe iiza ukufuma ku ng'anda yakwe Yailo uwali intunguluzi, inena Yailo iti, “Umwana wako kaci watafwa. Utasakamika Kasambilizya.”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Yakobo 4:10

Muicefye mweisikulu pa manso ya Mwene, nga nawe alamutumpula.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”