Luka 6:3 - Amazwi Yakwe Leza 2013

³ Yesu nawe aasuka ati, “Uzye mutawelenga cino Davidi wacisile lino wene na antu yano wali nao yuvwile inzala, nupya yulilwe?

Luka 6:3 Iomraidhean Croise

Mateo 19:4

Yesu nawe aasuka ati, “Uzye mutawelenga vino pa utandiko Leza wayaumvile umonsi nu mwanaci?

Mateo 21:16

Alino yuzya Yesu yati, “Uzye ukuuvwa vino ana yaa yakuvwanga?” Yesu nawe aasuka ati, “Ee. Uzye mutawelenga mu malembelo vino Leza wavwanga ati, ‘Watusambilizya ana anono nga nu tunya tukoonka kukulumbanya cifumaluke.’ ”

Mateo 21:42

Lyene Yesu ayauzya ati, “Uzye mutatala mwawelenga mu malembelo yano akati, ‘Iwe lino yakakuula yakanyile, lyene lyacisilwe iwe lya pitungi lya ng'anda. Mwene uwacita vii, uzye catuzungusya uli mu manso itu?’

Mateo 22:31

Pamulandu wa kuzyukuka kwa afwe, uzye mutawelenga vino Leza wavwanga kunomuli?

Mateo 4:2

Lelo Yesu atalile nanti kamwi manda makumi yani, musanya nu usiku. Pacisila auvwa inzala.

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Mako 12:26

Pamulandu wakuzyukuka kwa afwe, uzye mutawelenga mu lupapulo lwakwe Mose pamulandu wa kupya kwa cimpuza? Muu, amuno calembwa ukuti Leza watile kuli Mose, ‘Nene Leza wakwe Abulaamu na wakwe Isaki na Yakobo.’