Luka 4:16 - Amazwi Yakwe Leza 2013

¹⁶ Lyene Yesu waile ku Nazaleti kuno wakulile. Pa Sabata, aingila mu ng'anda ya mapepo, umwaelile mwata wakwe, nga aimilila kuti awelenge.

Luka 4:16 Iomraidhean Croise

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Luka 2:39

Lino Yosefu na Maliya yamazile vyonsi kulingana na Masunde ya Mwene, yene yaswilile kumwao ku musumba wa Nazaleti mu Galile.

Luka 2:42

Lino Yesu wali ni myaka ikumi na iili, yaile ku Cimulo ca Ucilo mwaelile mwata wao.

Luka 2:51

Caleka Yesu apita nao ku Nazaleti, kuko kuno lyonsi wali uwakutontela akwasi yakwe. Nyina wasunzile vintu vii vyonsi mu mwenzo wakwe.

Luka 4:15

Wene wasambilizyanga mu mang'anda ya mapepo, na antu yonsi yamulumbanya.

Luka 4:17

Alino yamupeela malembelo yakwe kasema Ezaya, nawe apombolola nga azana pano calembwa cati,

Luka 4:21

Alino atandika kuvwanga kunoyali ati, “Vino mwali muvwa nkuwelenga vyati vifikiliziwa ilelo.”

Luka 4:23

Yesu ayanena ati, “Cumi, mumangumila ipinda lii, likati, ‘Sing'anga, ipozye wemwisikulu. Ucite na kuno mwinu vino tuvwa wacita ku Kapenaumu.’”

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Milimo 17:2

Lyene ndi vino umwata wakwe wali, Paulo aingila muno yali. Pa Masabata yatatu alanzyanya nao mu malembelo,