Luka 15:4 - Amazwi Yakwe Leza 2013

⁴ “Umwi uwa munomuli ndi wali ni mfwele mwanda, nga waponzya yonga uzye akacita uli? Akasya zyonsi makumi fundimbali na fundimbali, apita kukulonda yonga iyati ponga suka aiizane.

Luka 15:4 Iomraidhean Croise

Masamu 119:176

Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Yelemiya 33:13

Nupya yakacema yalapendelamo imfwele zyao umu misumba ya mwisika lya myamba, umu misumba yaku Negebu, umu citungu cakwe Benjamini, nga nu mu misumba ino yazinguluka Yelusalemu kumwi ni misumba ya muno mpanga yamu Yuda. Ica cumi anene ne Yawe navwanga.”

Yelemiya 50:6

“Antu yane yali wa mfwele ziponge, yakacema yao ali yano yayaponzizye. Yayasile yakuzeuluka mu mpanga, yakululumba ukufuma ku mwamba uu yaya ku mulundu uze. Yasuka yaponga ni kola lyao lyampomvu.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Ezekelo 34:31

“Ala mwemwe mfwele zyane, mwemwe antu yane sile nenga, mwemwe ufyo uno nkacema, nani nene indi Leza winu sile. Ivyalanda ne Yawe Simwandalali.”

Ezekelo 34:4

Mutakomelezyanga imfwele zitonte, mutapelanga izilwale umulembo nanti kuzinyepela ivilonda. Mutawezyanga iziponge nanti kulonda izyapumbuka. Zyene zyatesilwe sile ku kalili.

Ezekelo 34:8

Ne Yawe Simwandalali nkulapa inti, kasili, pamulandu wakuti imfwele zyane zikulemwa ku vilyanyi pamulandu wa kuulilwa kacema ndi vino namwe kwene mwe yakacema yane musiiezya nanti panono kuzilondolola, mukaisakamala sile mwenga, ukwaula kusakamala imfwele,

Mateo 12:11

Nawe ayauzya ati, “Umwi uwa munomuli ndi akweti mfwele yonga, nga nayo yaponela mu ciwina pa Sabata, uzye atangailema nu kuifumya?

Luka 13:15

Lyene Mwene nawe amunena ati, “Yasomvi mwe! Uzye wenga muli mwemwe asyasapula masae nanti punda wakwe kufuma mu luwa nu kumupeela manzi pa Sabata?

Luka 15:3

Caleka Yesu ayanena mulumbe uu ati,

Luka 19:10

“Mwana wa Muntu wizile kuti alonde nu kutuula aponge.”

Loma 2:1

We muntu we muno ukapingula auzo, utangaleuka mulandu. Pano ndu kupingula auzo lino nawe ukacita viipe ala nawe ukuivunuka wemwisikulu.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.