Luka 13:1 - Amazwi Yakwe Leza 2013

¹ Pa kasita kaka kwali antu anenyile Yesu pamulandu na ina Galile yano Pilato wakomile lino yapelanga impolelwa kuli Leza.

Luka 13:1 Iomraidhean Croise

Nyimbo zya ndosya 2:20

Silola, we Mwene! Uzye apacani cino ukutuvunuka mu musango kwene uu? Uzye anaci yalinzile kulya ivyala vya ana yao yano yatemilwe wakwe cimwi? Uzye antu yalinzile kukomola yasimapepo na yakasema umu Ng'anda yako kwene ikulu?

Mateo 27:1

Lyene katondo, yasimapepo akalamba onsi, nga na aikolo yalanzyanya vya kucita pa kukoma Yesu.

Mateo 27:2

Alino yamunyepa yamusenda, nu kumupeela kuli Pilato uwali mulasi.

Milimo 1:11

yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”

Milimo 2:7

Lyene yonsi yazunguka ciyapezya mano, yati, “Uzye antu yaa yonsi akuvwanga asi aina Galile?

Milimo 5:37

Pacisila cakwe cii, Yuda umwina Galile, walolike mu nsita yakupenda antu. Nawe kwene waongwile iumba. Lelo nawe kwene yamukomile nga na amulondile yonsi yasalangana.