Luka 10:2 - Amazwi Yakwe Leza 2013

² Ayanena ati, “Uzombozi uukulu cuze, lelo aomvi yati yacepa. Caleka pepini ku mwine wa uzombozi kuti atume aomvi nayauze ku uzombozi wakwe.

Luka 10:2 Iomraidhean Croise

1 Yamwene 18:22

Lyene Eliya ayanena ati, “Nene nenga sile nsile pali yakasema ya Mwene, lelo Baali akweti yakasema imyanda ini na makumi yasano.

Masamu 68:11

Yawe wakonkomizye na ana yakwe, inkombe zyakusalanganya amazwi iziti,

Yelemiya 3:15

Alino ndamupeela yakacema ukulingana ni vilatemwa umwenzo wane. Yene yalamucema ningo na mano.

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Zakaliya 11:5

Aeneco ya mfwele yasya yazikome ukwaula ukupelwa umulandu, yasya yazikazye, nu kuvwanga ala yakuvwanga yakuti, ‘Leza twakutaizya, pano lyene twaya akama! Na yayo kwene akazicema yasikutala yazitezele foo.’ ”

Mpendwa 11:17

Nani namaika nu kwiza landa nawe kukwa. Nupya indi nu kwiza tola mupasi uwaya pali wewe nu kuyapeela nayo kwene. Fwandi ali yano yamasendanga pamwi nawe icisendo ca mutundu uwo. Usikuyanga wenga pa kucisenda awe.

Mpendwa 11:29

Lelo Mose amwaasuka ati, “Si uvwa uzuwa pali nene? Si cange cizipe ndi antu yonsi yakwe Yawe yaya yakasema, yapeelwa nu mupasi wakwe!”

Mateo 20:1

“Uwene wa mwiyulu ukoline na vii. Umuntu umwi walavile katondo tondo kuya lemba aomvi akuomba mu calo cakwe ca matingi.

Mako 13:34

Cili wa muntu wino ali pa lwendo kufuma ku muzi wakwe nu kusya aomvi kuti yaangalila milimo yakwe. Lyene apeela kuli wenga na wenga incito yakuti aomba nu kunena kalinda kuti aapempula.

Mako 16:15

Nawe ayanena ati, “Yangini mu nsi yonsi nu kukosola Ilandwe Lisuma ku antu onsi.

Mako 16:20

Lyene alondezi yapita kuya kosola konsi konsi, nu Mwene wayazwanga, nu kusininkizya ni vilangililo vino kukosola kwao ukwa cumi.]

Luka 9:1

Yesu aama alondezi ikumi na yaili pali pamwi, nga ayapeela maka akufumya mipasi yankota yonsi nu kupozya indwala.

Milimo 11:19

Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu.

Milimo 13:2

Uwanda umwi lino yakongine, ala yakupepa Mwene nu kuizilizya ukulya, Mupasi Wamuzilo ayanena ati, “Mu mpalwile Banaba na Saulo, kuti yakaombe mulimo uno nayamila.”

Milimo 13:4

Banaba na Saulo pano yatumwa na Mupasi Wamuzilo, ku Seleukia. Kuku akuno yaya yapatama mu wato yaya ku cilila ca Kupulo.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Milimo 8:4

Alondezi asalangine yaile konsi ala yakukosola Ilandwe Lisuma.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Filipi 2:21

Cila muntu akasakamala pa vintu vyakwe umwisikulu, kwaula kusakamala mulimo wakwe Yesu Klistu.

Filipi 2:25

Nelenginye ukuti calondekwa kutuma mwina witu Epaflodito kunomuli. Wene mulondezi, nupya muomvi ni cita ca Mwene, ndi vino indi. Mwemo mwamutumile kuti aiize mukungazwa.

Filipi 2:30

pano wene nga waponzizye umi wakwe, nupya wali pipi nu kufwa pamulandu wa mulimo wakwe Klistu, kuti ampeele wazwilizyo uno mwemo mwaposiwe ku mpela.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Tesalonika 5:12

Tukumupapata mwe ina itu, kuti mwacindika yao akaomba pakasi kinu, yano akamutungulula muli vino mulinzile kwikala wa ina Klistu.

2 Tesalonika 3:1

Mukusyalikizya, mwe inane, mwatupepelako. Cii cilazwilizya kusalanganya zuwa Ilandwe lya Mwene nga nayauze nao yalipokelele nu mucinzi. Wakwe vino mwemo mwacita.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

Filimoni 1:1

Kalata kufuma kuli ne Paulo munyepwe pamulandu wa kutumikila Klistu Yesu, nga nu kufuma ku mwina witu Timoti. Kuli Filimoni cuza witu nga nu muomvi unji,

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Umbwilo 2:1

“Lemba ku ntunguluzi yakwi uvi ku Efeso uti, “Lii ilandwe kufuma kuli wino alemile ntanda cinimbali mwi kasa lyakwe lilunji nupya wene akapita pakasi ka vyakutekapo inyali cinimbali.