Loma 1:11 - Amazwi Yakwe Leza 2013

¹¹ Pano nkulondesya kumulola kuti tukize tukankane wila wakwe Mupasi Wamuzilo uno napokelela pakuti mukomeleke.

Loma 1:11 Iomraidhean Croise

Utandiko 31:30

Nimanya mulandu uno wapitila, ukulondesya kuwela kumwinu. Lelo, uzye pacani cino wangiila tuleza twane?”

2 Samueli 13:39

Umwene Davidi atandika ukuluuka Abusalomu, pano watekeziwe pa mfwa yakwe Amunoni.

2 Samueli 23:15

Davidi auvwa ulusala lwa manzi nga avwanga ati, “Iye, si cange cizipe umwi andetele amanzi akumwa ukufuma mu cifula icaya lwapa mpongolo ya musumba wa Betelemu!”

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Milimo 16:5

Caleka amauvi yakomeleka mu utailo, yavulilako cila wanda.

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

Milimo 19:6

Paulo aika makasa yakwe panoyali, na Mupasi Wamuzilo aikila panoyali, nao yavwangila mu ndimi zipusanepusane nu kukosola ilandwe lyakwe Leza.

Loma 1:12

Ntwazile mukuti utailo uno mukweti wakomya utailo wane, nane utailo uno nakwata wakomya utailo winu.

Loma 15:23

Lelo ndakai pano natimala kutumikila mu miputule ya mpanga ino, nga na pamulandu wakuti pa myaka iingi nalondesyanga kuti nize mulole,

Loma 15:29

Lino ndiza kunomuli, manyile vino ndiza mu kuvulilwa kwa upolelelo wakwe Klistu.

Loma 15:32

Acino lyene Leza ndi akasi ndiza kunomuli nu luzango cuze, nga ndatemwa pa kumutandalila nupya.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

2 Kolinto 1:15

Nasininkizye cuze pa cilumba cino mwakwata muno tuli cakuti nakweti pange lya kumutandalila nkolelo yakwe vyonsi. Mu musango uu, amuno mungapolelelwa naswe maila yaili.

2 Kolinto 1:21

Caleka Leza akalenga mwemwe nani twimilile akomeleke muli Klistu. Leza aliwe kwene uwatusolwile

2 Kolinto 11:4

Pano umwi ndi wiza nu kukosola ilandwe lyuze lipusane ni landwe lya pali Klistu, nanti ndi mwapokelela mupasi muze apusine na Mupasi Wamuzilo, nanti ndi mwapokelela ilandwe lyuze lipusane ni Landwe Lisuma lino mwapokelile, ale lyene mukuyela landwe lilyo.

2 Kolinto 9:14

Mu kutemwa kukulu yalamupepela pamulandu wa cikuku cakwe Leza cino wakwata kuno muli.

Filipi 1:8

Leza ali kambone wane ukuti nkulanda cumi. Wene amanyile vino nkalondesya kumulola. Namutemwa mwensi nu kutemwa kwakwe Klistu Yesu.

Filipi 2:26

Lelo ndakai akulondesya kulola mwemwe mwensi. Wene watasakamikwa pamulandu wakuti muvwa vino wali mulwale.

Filipi 4:1

Caleka, mwe inane nupya akundwe yane, nkulondesya ku mulola. Endi, lolini vino mukanzanzya, na vino nemo nkaitumika pamulandu winu. Nkumupapata kuti muye azyansye mu Mwene.

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

1 Tesalonika 3:2

nu kutuma Timoti mwina witu kunomuli. Wene pamwi naswe akatumikila Leza pa kukosola Ilandwe Lisuma lya pali Klistu. Twamutumile kwiza mukomelezya nga nu kukomya utailo winu,

2 Tesalonika 2:17

alukutukomelezya nu kutupela maka akucita nu kulanda visuma lyonsi.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

2 Petulo 1:12

Acino lyonsi kwene nkaamwiusya vintu vii, nanti angala mwavimanya nu kwika utailo mu cumi cino mwapokelela.