Filipi 4:8 - Amazwi Yakwe Leza 2013

⁸ Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Filipi 4:8 Iomraidhean Croise

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

2 Samueli 1:23

“Saulo na Yonatani, yene aakuzunguka nupya akundwe. Yene yatapalukine umu mfwa numu wikazi wao kwene. Yakweti ulwilo ukuluta yalyang'anda, ni vimaka ukuluta yacisama.

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

Masamu 82:2

Wene akuti, “Uzye ukufika lilaci lino mwemo mulata ukupokolola antu alufyengo? Uzye pacani cino mwemo mwatemwa ukuvwangila antu aipe?

Mapinda 11:1

Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

Mapinda 12:4

Umwanaci musuma, wikala wa cilongwe ciyembe, kuli iya, lelo umwanaci akauvwisya iya insonyi, wene waya wa cilonda ca ufila kuli iya.

Mapinda 16:11

Yawe akalonda ukuti ivipimilo vyakupimilako vyaya ivilungame, nu mu uculuzi kwene monsi, akalonda mutaya ulufyengo.

Mapinda 20:7

Umulungami, wiyo akapita umu nzila ya ukaele, ana yakwe alamulondelela pacisila yalasyuka.

Mapinda 31:10

Aweni wiyo angazana umuci umufyeleke? Ala wene wacindama ukuluta ukasi uwamutengo.

Mapinda 31:29

“Anaci aingi nayo kwene yakacita ivisuma, lelo wemo wayaluta yonsi pyu.”

Mapinda 31:31

Icansambu ukumutaizya pali vino waomvile. Si lekini ivicitwa vyakwe vicindikwe kuli wensi.

Lwimbo lwakwe Solomoni 5:16

Imilomo yakwe ilyompe wene umusuma muli vyonsi. Vikwene avino umukundwe wane waya, cuza wane, mwe anaci amu Yelusalemu.

Ezaya 26:7

Inzila ya muntu umulungame yaya itambalale. We Yawe, awewe walinganya inzila ya mololoke.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mako 6:20

oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Luka 23:50

Kwali umuntu izina lyakwe a Yosefu, uwaku Alimatiya, umusumba uwamu Yudeya. Wali uwamu nkombe zya mwi Tengo. Wali umusuma nupya uwalondelanga masunde,

Yoane 7:18

Wino akuvwanga vyakwakwe, ala akuilondela mucinzi. Lelo wino akulonda mucinzi wakwe wino uwamutuma wene uwa cumi, nu usomvi usi munoli.

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 22:12

“Mwali umuntu izina lyakwe a Ananiya, uwali umupefi nupya wayelanga Masunde itu yakwe Mose, wino Ayuda ali mu musumba yamutasyanga.

Milimo 6:3

Caleka inane, sololini antu cinimbali amunomuli, azuziwamo na Mupasi Wamuzilo na mano, yano tumapela uwangalizi pa mulimo uu.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Loma 13:3

Antu akaifya ali yano yakaoopa maka ya uteko. Antu asuma akayela uteko yene yasyaoopa. Uzye ukulonda kuti utaoopa kateeka? Uwacita visuma nawe alakutaizya.

Loma 14:18

Umwi ndi akutumikila Klistu mu musango uu, ale lyene amazanzya Leza, na antu nayo yamamucindika.

Loma 2:29

Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 13:7

Swemo tukapepa kuli Leza kuti mwacita viipe. Asi kuti tuloleke kwati twacimvya, lelo kuti mwemo mutacita visuma, nanti angala cingaloleka kwati twaposiwa.

2 Kolinto 6:8

Antu yakatucindika nupya yakatusaalula. Tukatukwa nga nu kutasiwa. Antu yakati sweswe ya ufi, lelo swemo tukavwanga cumi.

2 Kolinto 8:18

Pali pamwi na Tito twatuma wenga mwina witu mu utailo wino uwamanyika cuze mu mauvi, mu mulimo uwa kusalanganya Ilandwe Lisuma.

2 Kolinto 8:21

Ipange litu ilya kucita cisuma, asi sile pa manso ya Mwene, lelo na pa manso ya antu kwene.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Efeso 5:9

nga nu kuleka luswepo lwinu lulete uzombozi ukulu cuze uwa micitile isuma, uwololoke, nga ni cumi.

Efeso 6:14

Acino muye aiteyanye! Lekini cumi ciye wa musipi unyepwe mu misana inu, nupya lekini wololoke uye wa cela ca kucinga visao vinu.

Malango 16:20

Fwandi cisi cakwezya ukuya nu lufyengo nanti akasoozi, pakuti mukapoke nu kwikala mu mpanga ino Yawe Leza winu akumupeela na pakuti muce mwikalilile mwenemo.

Filipi 3:1

Mukumalila inane, muye nu luzango mu Mwene. Ntasakamile ndi namulembela nupya vintu vino namulembile nkolelo. Endi, cingamuzipila kuti ncite vii.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

1 Tesalonika 4:12

Lyene mulacindikwa na antu yano atataila, nupya mutalalonda uwazwilizyo kufuma ku muntu ali wensi.

1 Timoti 2:2

Mwapepela yakateeka ni ntunguluzi zyonsi, kuti swensi twaikala umi usi wa cimvulunganya nupya uwa mutende, twalumbanya Leza pali vyonsi mukutekela.

1 Timoti 3:11

Aci yao nao kwene yalinzile kukwata mwata usuma nupya yatalinzile kuya akwakwa. Yene yatalinzile kukuma ku ukolesi nupya yalinzile kuya acumi muli vyonsi vino yakucita.

1 Timoti 3:4

Wene alinzile kusunga amu ng'anda yakwe ningo nga nu kulolekesya ukuti ana yakwe yaye akuyela nupya amucinzi.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Timoti 5:2

Vivyo kwene wacitila anaci aikolo ndi vino ungacitila nyoko. Akazyana nao wayacitila kwati a kaci yako, nu mwenzo usuma.

Tito 1:8

Wene alinzile kuya kacita wa milimo ya luse, kapokelela wa enyi, nupya uwatemwa kucita visuma. Wene alinzile kuikanya, nu kucita vilungame, alinzile kuya uwamuzilo nupya musundike.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Tito 2:2

Wakonkomezya aikolo ukuti yalinzile kutekela mu melenganyo. Yene yalinzile kuya a mpomvu mu utailo, mu kutemwa nga nu mu kuposya kwao.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Ayebulai 11:2

Pa utailo wao apano Leza wavwangile antu yampiti visuma.

Ayebulai 13:18

Mutwalilile kutupepela. Swemo twasininkizya ukuti myenzo itu ili ningo pano tukalondesya kucita cisuma nsita zyonsi.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

2 Petulo 3:1

Mwe yacuza akundwe, wii ali kalata wakwe ciili wino namulembela. Muli yakalata oili yano namulembile, nemo nezizye kuti mukatusye myenzo ya kwelenganya kusuma pa kumwiusya vintu vii.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Luti 3:11

Lyene ndakai, mwanane, utalinzile ukuvwa intete. Namakucitila vyonsi vino umanguzya, pamulandu wakuti antu yonsi amu musumba yatiyasininkizya nu kumanya ukuti wewe mwanaci umwi uwampomvu.