Filipi 4:6 - Amazwi Yakwe Leza 2013

⁶ Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.

Filipi 4:6 Iomraidhean Croise

1 Yamwene 8:28

We Yawe, Leza wane, ala nene muomvi wako sile. Uvwa fwandi vino nkukupapata na vino nkukupepa. Uvwa impoma yane ni pepo lyane lino nkupepa kunuli ilelo.

2 Milandu 32:20

Lyene umwene Hezekiya na kasema Ezaya umwana wakwe Amozi, iyapepa kuli Yawe nu kupunda kunoli kuti ayazwilizye.

Masamu 51:15

We Mwene, sapula imilomo yane, na kanwa kane kamatakolonga umuncinzi wako.

Masamu 55:17

Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Masamu 55:22

Uwatuula masakamiko yako kuli Yawe, nawe amakuwakanga. Wene asitazyela umuntu musuma ukuti yamutonsye foo.

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 16:3

Peela umulimo wako kuli Yawe, alino lyene na mapange yako yalafikiliziwa.

Lwimbo lwakwe Solomoni 2:14

Wemo uli wa nkunda ino ikafisama mu macele yamawe, mu ncende zyakufisamamo mu myamba, sindangizya usyu wako, sileka nuvwe izwi lyako, pano izwi lyako ilisuma, nupya usyu wako wazipa.

Yelemiya 32:16

Apacisila cakupeela Baluki, mwana Nelya, kalata wakukalilapo icalo, alino lyene napefile inti,

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Danieli 3:16

Syadilaki, Mesyaki, na Abedinego yaasuka umwene yati, “We mwene Nebukadineza, swemo tutalinzile ukuipokolola inkolelo yako uku mulandu uu.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Mateo 10:19

Lelo lino yalamulema, mutakalanguluke nkolelo pali vino mulavwanga nanti musango uno mulavwangilamo. Lino nsita iliza mulapelwa cino mulavwanga.

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Mateo 6:34

Caleka mutasakamala pa vintu vya mutondo, pano uwa mutondo wene ulaisakamala uwisikulu. Amanda yasyacela mumwi.

Mateo 6:8

Caleka lino mukupepa mutakolana nao. Pano So wene wamanya vino mukulonda lino mutali mumulenge.

Luka 10:41

Mwene nawe amwaasuka ati, “Mata! Mata! Wati usakamikwa nu kucuziwa pamulandu wa vintu ivingi.

Luka 12:22

Lyene Yesu anena alondezi yakwe ati, “Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu.

Luka 12:29

“Acino mutasakamala nanti ukwaziwa pali vino mumalya nanti kumwa.

Luka 18:1

Lyene Yesu aumila alondezi yakwe mulumbe, kuti ayasambilizye vino yalinzile kupepa nsita zyonsi kwaula kunenuka.

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?

1 Kolinto 7:21

Uzye wali muzya lino Leza wakwamile? Endi, utasakamala. Lelo ndi ungaya muntungwa uomvye untungwa.

1 Kolinto 7:32

Nkulonda kuti mutaya na masakamiko. Monsi wino atatwala akasakamala mulimo wa Mwene, pano wene akaezya kuzanzya Mwene.

2 Kolinto 1:11

Mwemo mwatwika mu mapepo. Leza alaasuka mapepo inu aingi yano mukutupepela, nupya wene alatupolelela. Lyene na antu aingi yalataizya Leza pa kutupolelela.

Efeso 5:20

Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Kolose 3:15

Mutende uno Klistu akapeela uwa kutungulula myenzo inu. Leza wamusolwile kuti mwikale mu mutende kwene uu, pano mwemwe vilundwa vya mwili onga. Nupya mulinzile mwataizya.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Kolose 4:2

Mukonkowezye kupepa. Nalino mukupepa, pempulini nu kutaizya Leza.

1 Timoti 2:1

Cankolelo pali vyonsi, nkulenga ukuti kuye mapepo akupepela antu onsi. Mapepo yaye akupapata, ukulenga, nu kutaizya Leza.

1 Timoti 5:5

Mukamfwilwa wino uwaikalila, nupya atakwata umwi uwakumusunga, wene wika upaalilo wakwe muli Leza nupya akapepa usiku nu musanya kuti Leza amwazwa.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

1 Petulo 5:7

Ikini masakamiko inu pali Leza, pano wene akamusakamala.

1 Samueli 1:15

Hana nawe amwaasuka ati, “Awe, musambazi! Nemo nene mwanaci umwi ali nu ulanda wakwe cimwi. Ntamwile uwengwa nanti umwi nanti sile icili consi icikakola. Nemo nali nkulondolwela sile Yawe ivintu ivili mu mwenzo wane.

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.

1 Samueli 7:12

Lyene Samueli atoola iwe nga alisimpa pakasi kakwe Mizipa na Syeni. Alitemela ni zina lyakuti Ebenezeli, nga avwanga ati, “Avino ukufika na paa Yawe uwatatwazwa.”