Filipi 4:3 - Amazwi Yakwe Leza 2013

³ Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Filipi 4:3 Iomraidhean Croise

Masamu 69:28

Uleke na mazina yao yafutwe umu lupapulo lwa umi, yatakezye ukuzanwa mumu umwalembwa amazina ya antu yako.

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Ezekelo 13:9

Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 16:12

Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene.

Loma 16:9

Natuma ulau na kuli Ubanusi kwene muomvi pamwi naswe mu mulimo wakwe Klistu, nga na kuli Sitakisi mukundwe wane.

Filipi 1:12

Inane nkulonda kuti mumanye ukuti vintu vino vyancitikile, mucumi vyacitike kuti mulimo wakusalanganya Ilandwe Lisuma uye nkolelo.

Filipi 1:16

Yaa yakacita cii nu kutemwa, pamulandu wa kumanya ukuti Leza wampeela mulimo wakucingilila ilandwe.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 1:5

pamulandu wa musango uno mwangazwilizye mu mulimo wakusalanganya Ilandwe Lisuma kufuma pa wanda wakutandika kutaila kufika na ndakai.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 4:2

We, Yuodia na Sintinke, nkumupapata kuti mwauvwana pano mwemwe yamangu aina mu Mwene.

Kolose 1:7

Mwasambilile cikuku cakwe Leza kuli Epafula, muomvi unji mukundwe nupya uwacumi wino mucifulo cakwe sweswe akatumikila Klistu.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.