Filipi 2:6 - Amazwi Yakwe Leza 2013

⁶ Nanti angala Wene lyonsi wali muli u Leza, 1lelo atelenginye ukuti angezya kupatikizya kulingana na Leza.

Filipi 2:6 Iomraidhean Croise

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 8:8

Yaliza yapongwele impanga ya Yuda nu kuiunzya mpaka antu yamwele ukufika nu munsingo zyao. Mulamba wiyo alalimba impanga yako yonsi, Iye, we Imanueli!”

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 10:30

Nemo na Tata twaya wenga.”

Yoane 10:33

Ayuda yaasuka yati, “Pasi apa vicitwa visuma pano tukulonda tukutame na mawe, lelo apa mazwi yako a misuli kuli Leza! Wewe muntu sile nga ukwezya ukuicita kwati wewe Leza.”

Yoane 10:38

Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”

Yoane 14:28

Mwali muvwa vino nali nati, ‘Nkupita, lelo ndawela kunomuli.’ Ndi mwantemwa, mungazanga pa kuvwa vino nkuya kuli Tata. Pano Tata andusile.

Yoane 14:9

Yesu amunena ati, “Nati nikala namwe nsita ntali, lelo Filipo wemo utamanyile nene? Wino wandola, walola na Tata kwene. Uzye pacani ukuti, ‘Tulange So?’

Yoane 17:5

Tata! Ndakai mpela lulumbi pa manso yako, luno nene nawe twakweti lino insi itali icitwe.

Yoane 20:28

Tomasi amunena ati, “Mwene wane, Leza wane.”

Yoane 5:18

Muvwango uu walenzile intunguluzi zya Ciyuda kupangila kumukoma, pasi pamulandu wa kuntayela isunde li Sabata sile, lelo na pamulandu wa kulanda ukuti Leza wene ali Isi wakwe nga nu kuilinganya na Leza.

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Loma 9:5

Yene ivizikulula vya vikolwe vitu vilumbuke, na Klistu kwene uwamu mupanda wa mutundu wao. Leza, wino waya na maka pali vyonsi, alumbanyiwe manda pe! Ameni.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 1:6

Lelo lino Leza wali pipi nu kutuma Mwana nupya iyeli lyakwe mu nsi, wene wavwanzile ati, “Angeli yakwe Leza yonsi yalinzile kumupepa.”

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.