Filipi 2:5 - Amazwi Yakwe Leza 2013

⁵ Mwacita nu kwelenganya mu musango uli onga na uno Klistu wakweti.

Filipi 2:5 Iomraidhean Croise

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Luka 22:27

Uzye mukulu aweni? Uzye awiyo akaikala pansi, nu kulya nanti awiyo akamuombela? Uzye asi awiyo akaikala nu kulya? Lelo nemo indi pakasi kinu wa muomvi.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Loma 14:15

Ndi ukucisa auzo pamulandu na vino ukalya, ale usyakucita cii mu lukundo. Acino mutaleka indya inu yonone umuntu wino Klistu wafwilile!

Loma 15:3

Pano Klistu nawe kwene ataizanzyanga umwisikulu. Lelo cili ndi vino calembwa mu malembelo cati, “Antu amutuka ala nani kwene yantuka.”

Loma 15:5

Leza, wino akatupeela maka akuteeka myenzo nu kukomeleka, amwazwe mwikale ni lango lyonga lino mukulondela mwata wakwe Klistu Yesu.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

1 Petulo 2:21

Leza uwamusolwile kuti mupite mu macuzi lino mukulondela mu ntampulo zyakwe Klistu. Wene wamupeela cilangililo ca kucula kwakwe pamulandu winu.

1 Petulo 4:1

Klistu wacuzile ku mwili lino wali pano pa nsi. Acino namwe kwene mulinzile kuikomelezya mweisikulu ni myelenganyizizye ili yonga na ino wene wakweti. Pano wino wensi uwacula ku mwili ala wene asyakukumako ku kwifya nupya.

1 Yoane 2:6

Wino wensi akalanda ukuti wikala muli Leza wene alinzile kucita vino Klistu wacitanga.