Filipi 2:19 - Amazwi Yakwe Leza 2013

¹⁹ Nkupaalila mu Mwene Yesu ukuti ndatuma Timoti kunomuli zuwa kuti ntekeziwe pa kuuvwa vino muli.

Filipi 2:19 Iomraidhean Croise

Yelemiya 17:5

Nupya Yawe Leza avwanga ati, “Watipwa wiyo wensi uwataila mu muntu muze, pano wene wemelela ku mwinakufwa, wino umwenzo wakwe wafutatila Yawe Leza.

Mateo 12:21

Munoli antu amu nko zyonsi yalapaalila.”

Milimo 16:1

Paulo waile ku Debe nu ku Lisitala, kuno wenga pa ataile uwizina lyakwe Timoti wikalanga. Nyina wakwe Timoti nawe kwene wali wenga pa ataile nupya wali u Muyuda. Lelo Isi wene wali u Mugiliki.

Loma 15:12

Nupya kasema Ezaya akuti, “Umwi, cizikulula cakwe Yese aliiza. Wene aliiza mu kuteeka Akulukuwa, nga nao yalika upaalilo wao munoli.”

Loma 16:21

Timoti muomvi unji, watuma ulau wakwe kunomuli. Vivyo kwene na Lusio, Yasoni na Sosipata, Ayuda yanji, nao yatuma ulau wao.

1 Kolinto 4:17

Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

Filipi 2:18

Mu musango uli onga, mulinzile kuzanga nu kusansamuka pamwi nani.

Filipi 2:28

Ndakai nkulondesya kutuma Epaflodito kunomuli pakuti muye ni nsansa zya kumulola nupya, na kuti ulanda uno indi nao usile.

1 Tesalonika 3:2

nu kutuma Timoti mwina witu kunomuli. Wene pamwi naswe akatumikila Leza pa kukosola Ilandwe Lisuma lya pali Klistu. Twamutumile kwiza mukomelezya nga nu kukomya utailo winu,

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Yakobo 4:15

Mulinzile kulanda muti, “Ndi cakuti Mwene akasi, swemo tulaya nu umi nu kucita cii nanti cica.”

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.