Filipi 2:16 - Amazwi Yakwe Leza 2013

¹⁶ lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.

Filipi 2:16 Iomraidhean Croise

Masamu 40:9

Umu ukongano ukulu wa antu yako, amuno nemo numa imbila yi landwe lisuma ilya ufyusi wako. Ala we Yawe wamanya mpiti ukuti nemo ntalatala inte ukwalazya ilandwe lii.

Masamu 71:17

Leza we, awewe wansambilizya ukutandikila sile uwance wane, na ndakai kwene nemo ncili nkulanda apa milimo yako iyakuzunguka.

Ezaya 49:4

Lelo nemo navwanzile inti, “Naicuzizye sile ukuombesya. Namazile sile amaka yane ukwaula umuzano. Lelo kwene insambu zyane zili kuli Yawe, ni cilambu cane cili kuli Leza wane.”

Mateo 10:27

Vintu vino namunena mu mfinzi, mulinzile kuvilanda paswe, na vyonsi vino muvwila mu kapopo, kakosolini mu misolo.

Luka 12:8

“Cumi, namunena vino wino wensi walanda paswe ukuti uwakwane, Mwana wa Muntu nawe alacita cili conga panoli pa manso ya angeli yakwe Leza.

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

1 Kolinto 1:8

Leza alamusunga mu kukomeleka kufika nu kumpelelekezyo, pakuti mutakaye amulandu pa Wanda wa Mwene witu Yesu Klistu.

1 Kolinto 9:26

Uli mulandu uno nemo nkasimula kuti mfikilizye simwililo lyane. Nupya uli mulandu uno nemo nkoline wa muntu akacimvyanya mu makofi, wino asyasumba sile makofi yakwe mu muza.

2 Kolinto 1:14

wakwe vino mwatuvwa sile mbali. Lyene lino Mwene Yesu alawela, mulaya ni cilumba pamulandu witu wakwe vino twaya ni cilumba pamulandu winu.

Galatiya 2:2

Napisile pamulandu wakuti Leza wasokolwile kunondi ukuti ndinzile mpite. Lino twakomenkine ni ntunguluzi mu nkama nalondolwile Ilandwe lino nakosozile ku Akulukuwa. Nalondanga kusininkizya vino mulimo wane pa mpiti nga nu mu nsita ikwiza utaya uwasilesile.

Galatiya 4:11

Nemo nati nsakamikwa pamulandu namwe! Uzye ale limwi ukuomba kwane pakasi kinu ukwasilesile?

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

1 Tesalonika 2:19

Pano amwemwe kusi nayauze, mwe muno tukapaalilamo nu luzango, nu kwiza pokelela penepo cilambu cino tulailumbanyizizya penepo pali Yesu Mwene witu lino aliza nupya.

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.