Filipi 2:15 - Amazwi Yakwe Leza 2013

¹⁵ pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Filipi 2:15 Iomraidhean Croise

Masamu 122:5

Kuku kwene akuno walasika yamwene amu Izlaeli apa vilimba vya upinguzi, ivilimba vya wene vya amutundu wakwe Davidi.

Kufuma 34:35

Antu yalola ukuti impumi yakwe ikuyengesa. Lyene avimba insalu ku manso mpaka kufika insita yuze lino alingila mwi Taalu lya Ukongano ku kuvwanga na Yawe.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Mapinda 8:8

Amazwi yonsi yano nkuvwanga yalungamana, mutaya ivyakupumbola nanti ivyaufi.

Ezaya 60:1

Katuka yengesa, pano uluswepo lwako lwatilutandika, nga nu ucindami wakwe Yawe watiucatilizya pali wewe.

Danieli 6:4

Lyene angalizi yauze pamwi na alasi yezya kulondelezya imilandu mu miombele yakwe Danieli, lelo yaposiwe kuzana umwi, pamulandu wakuti Danieli wali uwakutailwa nupya wene atacitanga cimwi ciipe nanti caucenjezi.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Milimo 20:30

Insita iliza lino antu yamwi kufuma umwi umba linu yalatumpoka nu kupuulula ataile.

Loma 16:19

Antu yonsi yuvwa vino mwaya acumi kwi Landwe Lisuma nga pamulandu kwene uu, nemo ndi nu luzango pali mwemwe. Nkulonda muye a mano pali cino icili cisuma, lelo muye akaele mutakumako ku viipe.

1 Kolinto 1:8

Leza alamusunga mu kukomeleka kufika nu kumpelelekezyo, pakuti mutakaye amulandu pa Wanda wa Mwene witu Yesu Klistu.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Filipi 3:6

Nali nu muzonda cakuti nazunyanga iuvi. Nacitanga vyonsi vyawololoke vino Masunde yalanda, mu kucita vivyo ntatazile mfume mwanzila.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

1 Timoti 3:10

Nkolelo yene yalinzile kweziwa nu kusininkiziwa. Ndi cazanwa ukuti kusi kutwisika ku mazina yao, lyene yangaomba.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 5:14

Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

1 Timoti 5:20

Wakalipila apaswe yao yonsi akaifya, pakuti asyala yuvwe intete.

1 Timoti 5:7

Uwayatungulula kuti kutaya umwi uwakuyatunga kayi.

Tito 1:6

uwikolo wino akatungulula iuvi atalinzile kuya uwa mpwelo mbi. Wene alinzile kukwata muci wenga, nupya ana yakwe yalinzile kuya ataila. Yene yatalinzile kuya ni mpwelo ya ononyi nanti kuya autizi.

Tito 2:10

Yene yatalinzile kwiya vintu vyao. Lelo mu cifulo cakwe cico, yene yalinzile kulangilila yauze ukuti lyonsi yaya asuma akutailwa, pakuti Leza Katuula witu apelwe mucinzi muli vyonsi vino yakucita.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.