Filipi 2:10 - Amazwi Yakwe Leza 2013

¹⁰ Pa kucindika zina lyakwe Yesu viumbwa vyonsi vya mwiyulu, pano pansi, nga na pansi ya nsi, vilamufukamila.

Filipi 2:10 Iomraidhean Croise

Utandiko 41:43

Avino amukwezya na pi celeta lyakwe lya wene, nga asilika yapita inkolelo, yazuka yakupunda yati, “Fumini mu nzila.” Vii avino Falao wamucisile ukuya mulasi wa mpanga yonsi ya Eguputo.

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Mateo 27:29

yaluka ingala ya myunga, yamuzwika ku mutwe. Lyene yamufumbatika intuwa mwi kasa lilunji, yafukama nkolelo yakwe, yamusoweka yati, “Kwaita, Mwene wa Ayuda!”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Loma 11:4

Uzye Leza wamwaswike ati uli? Watile, “Naisungila antu yane amazimbi cinimbali atatala yapepa Baali, leza kaluwi.”

Efeso 1:10

Lyene lino insita ilafika, Leza alacita vyonsi vino wapanga kucita, nga Klistu nawe alakonganika pamwi vintu vyonsi ivya mwiyulu na pano nsi.

Efeso 3:14

Caleka pali cii, mwi pepo nkafukama nkolelo yakwe Leza.

Efeso 4:9

Izwi lyakuti “Wakwezile” likasenula ukuti inkolelo Klistu wisile pano pansi.

Ayebulai 1:6

Lelo lino Leza wali pipi nu kutuma Mwana nupya iyeli lyakwe mu nsi, wene wavwanzile ati, “Angeli yakwe Leza yonsi yalinzile kumupepa.”

Umbwilo 20:13

Lyene yemba afumya afwe ali mwenemo. Imfwa ni cifulo ca antu afwe navyo kwene vifumya afwe ali mwenemo. Na onsi yapingwilwe kulingana ni vintu vino yacisile.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 5:3

Lelo kutali umwi mwiyulu nanti pano nsi nanti pansi ya nsi wino uwali na maka akuyula lupapulo nu kulola mukasi.