Filipi 1:15 - Amazwi Yakwe Leza 2013

¹⁵ Yamwi yakakosola Klistu pamulandu wakuti yakweti uzuwa nu muvimbila, lelo yamwi yakacita cii pa kulonda kwazwa yauze.

Filipi 1:15 Iomraidhean Croise

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 5:42

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Milimo 8:35

Lyene Filipo atandika kuvwanga. Atandikila pa ciputulwa ca malembelo kwene cii, amunena Ilandwe Lisuma lya pali Yesu.

Milimo 8:5

Filipo waile ku musumba uwamu Samaliya akukosola ilandwe lya pali Klistu ku antu ya kuku.

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Loma 2:8

Lelo antu akaitemwa, nu kukana kucita vya cumi akacita vino vitaine, yene yalazombola cipyu nu ukali wakwe Leza.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

1 Kolinto 13:3

Ningapela vyonsi vino nkweti nu kupeela mwili wane kuti antu yawoce. Lelo ndi ntakweti kutemwa, ale pasi usuma umwi.

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.

2 Kolinto 11:13

Antu yao yasi atumwa acumi, yene atumwa ya ufi, yano akatumpoka pamulandu wa mulimo wao nupya yakaomvya usomvi kuti yaloleke wa atumwa yakwe Klistu.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.