Danieli 9:7 - Amazwi Yakwe Leza 2013

⁷ Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Danieli 9:7 Iomraidhean Croise

Ezila 9:13

Vii vyonsi vyakutuzunya pamulandu wa maifyo ni viipe vitu vyasila, nga lelo swemo tumanyile ukuti wewe we Leza witu ukutuvunuka sile panono, ivitangalingana ni vicitwa vitu kuno yamwi pakasi kitu twatitupusuka.

Ezila 9:15

We Yawe, Leza wa ina Izlaeli, wemo wewe mololoke! Watuzumilizya kuti tuye nu umi. Acino twailongwela amaifyo itu kunuli. Tusi ni nsambu zya kwiza apa manso yako.”

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Masamu 119:137

Wewe kacita wa vyaololoke, we Yawe, na masunde yako acumi.

Masamu 44:15

Lyonsi sile nemo nkuvwa insonyi, apa manso yane pasi pakuvundalila,

Masamu 51:14

Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 45:16

Yonsi yano yakapanga utuluwi, yalazewana nupya yaluvwa insonyi. Yonsi yalapita asauke.

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 32:32

apamulandu nu uyi wa ina Izlaeli na ina Yuda uno yansosizye umwenzo, aeneco kwene, yamwene yao, intunguluzi zyao, yasimapepo yao, yakasema yao, nga na antu amu mpanga yakwe Yuda na ikala muzi amu Yelusalemu.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Yelemiya 4:17

Yene yatiyazinguluka Yelusalemu, kwati a yakalinda ya calo, apa mulundu wakuti wene watalamila ne Yawe. Ivyalanda ne Yawe.

Yelemiya 7:19

Uzye kwene umucumi anene yasosyanga umwenzo? Uzye yasiisosya imyenzo nu kuizewanya sile aisikulu?”

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Ezekelo 5:10

Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Ezekelo 6:12

Akutali yalafwa ku mpungo, amupipi yalafwa ku nkondo. Asyalapo nayo yalafwa ku cipowe. Yalasininkizya vino icipyu cane cikapezya antu.

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Danieli 9:8

We Mwene, ala sweswe kumwi na yamwene itu, na yakateeka itu nga ni vikolwe vitu twaipupanya pamulandu wakuti twifya kunuli.

Amosi 9:9

“Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Loma 6:21

Uzye umuzano cii uno mwazanyile mukucita vintu vino ndakai vikumuletela insonyi? Ala icikafumamo, imfwa!

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.