Danieli 9:22 - Amazwi Yakwe Leza 2013

²² Alino andondolwela ati, “We Danieli, natiniza kuno kuti nkwazwilizye ukwiluka usemo.

Danieli 9:22 Iomraidhean Croise

Danieli 10:11

Umungeli anena ati, “We Danieli, Leza wakutemwa wakwe cimwi. Katuka nu kusumbako amano kuli vino namakunena. Nintumwa kunuli.” Pacisila lino mungeli wilya walanda cii, inkatuka ala ncili nkuzakaza.

Danieli 10:12

Lyene mungeli wilya anena ati, “We Danieli, utuvwa intete. Leza uvwa amapepo yako ukutandikila sile pa wanda uno wemo welenginye ukuicefya apakuti upelwe ukwiluka. Nani natiniza apa kwasukwa kwi pepo lyako.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 10:21

Lelo inkolelo namatala nkunene ivyalembwa mu Lupapulo lwa Cumi. Kusi umwi uwakungazwa, suka sile Mikaeli, umungeli wino akalinda Izlaeli.

Danieli 7:16

Lyene naile kuli wenga muli yayo aimi papa nga imuzya kuti andondolwele muno vii vyonsi vyalola. Acino nawe andondolwela.

Danieli 8:16

Lyene nuvwa izwi ukufuma mu luzi lwa Ulai, ala likwama liti, “Gabilieli, londolwela umuntu wi muno cilolwa cii calola.”

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Zakaliya 1:14

Lyene umungeli wilya uwavwanganga nani anena ati, “Umaimbila uti, Yawe Wamaka yonsi wavwanga wati, ‘Ukulanguluka kwane konsi nu mwenzo wane onsi vili pali Yelusalemu na Zioni.

Zakaliya 1:9

Alino nani imuzya inti, “Musambazi, uzye imfwalasi zii calola mwi?” Umungeli wilya nawe aasuka ati, “Namakulondolwela muno calola.”

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”