Danieli 9:18 - Amazwi Yakwe Leza 2013

¹⁸ Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Danieli 9:18 Iomraidhean Croise

1 Yamwene 8:29

Uwalu kusumba amanso apa ng'anda ino ya kukupepela mwenemo usiku nu musanya, umu ncende ino twatitusolola ukuti twakupepela mwenemo. Sungala unguvwe likwene lino nkukupepa mu ng'anda yako.

2 Yamwene 19:16

Icaleka fwandi we Yawe, lolekesya ivintu uwingi ivikutuponela. Uvwa na mazwi yonsi yano Senakelibu akulanda, akusausya wewe, we Leza waumi.

Masamu 116:1

Nemo natemwa Yawe pano akanguvwa, akatezya nu kupapata kwane.

Masamu 25:6

We Yawe, iusya uluse lwako nu kutemwa kwa pe kuno wakwata ukufuma ku mpiti.

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Ezaya 37:17

Sungala uvwe amazwi yonsi yaa, yano Senakelibu akulanda apa kusaalula wewe we Leza wa umi.

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Ezaya 64:12

Ale lyene we Yawe, wemo ukuti uli pali vivyo vyonsi? Uzye utange ucitepo cimwi? Uzye umatutazyela vikwene twalukucula apapela ukucula?

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Yelemiya 25:29

Pano lyene natandikila ukuleta ulanda pa musumba uwatemelwa izina lyane, uzye mwati mwemwe mumasyala ukwaula kupeziwa? Cumi cumi nkumunena mutalasyala ukwaula ukufululwa, pano indi nu kutuma inkondo pakasi ka antu yonsi panonsi, ivyalanda ne Yawe Wamaka yonsi.”

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Yelemiya 37:20

We mwene, musambazi wane sungala uuvwe ukupapata kwane, utanswilizya nupya umu ng'anda yakwe kalemba Yonatani, pano limwi ningaya nkafwile mwenemo.”

Ezekelo 36:22

“Fwandi lyene nena aina Izlaeli uti, Yawe Simwandalali akuti mwe ina Izlaeli ala asi pamulandu winu uno nacisile vii, lelo apamulandu sile wi zina lyane lino mwasawisye mu mitundu muno mwasalanganile.

Ezekelo 36:32

Mwe ina Izlaeli, nkulonda mumanye ningo ukuti nemo nsikucita vivyo vyonsi pamulandu winu foo. Nkulonda mwauvwa insonyi, pano mukaizewanya sile pa vintu vino mukacita. Ee, ivyalanda ne Yawe Simwandalali.”

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Mpendwa 6:27

Alino Yawe avwanga ati, “Ndi yataka izina lyane ukuya upolelelo pa ina Izlaeli, indayapolelela.”

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.