Danieli 8:8 - Amazwi Yakwe Leza 2013

⁸ Lyene sawe alunduluka kuya ni cilumba, lelo lino wafisizye apapela umusinku wa maka yakwe ulupembe lulu lwavunike. Nga mu ncende ya luko imutumba impembe zini, cila lupembe ala lulozizye mu ntunga ipusane ni zyuze.

Danieli 8:8 Iomraidhean Croise

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

Esita 9:4

Modekai wali umuntu umwi umucindame ukwisano alino nu kukula wakulilangako umu maka cakuti ululumbi lwakwe lwasusile lulimba impanga zya alasi monsi pyu.

Yelemiya 49:36

Ndaletela Elamu imiza ini, ukufuma ku mpela ziini zya mwiyulu. Ndasalanganyizizya aina Elamu ku miza kwene iyo. Kutalaya umutundu ulasyala ukwaula kuti imbutusi zyutukile kweneko zyaku Elamu.

Yelemiya 5:27

Mu mang'anda yao mwazula ivisampwe kwati ivyamu cinsalanga ca vyunyi. Uli mulandu uno yaya akama nupya yali na maka.

Ezekelo 16:7

Nawe wakula, wasuka waya sile uwikolo ukulingana ni ciimo cakutwalwa. Wamela maele ni nyele zyako zyakula zyavunda wakwe cimwi, lelo ala usile sile tupu.

Ezekelo 28:9

Uzye lyene ulasya uvwange ukuti wewe kaleza apa manso yakwe yayo alakukoma? Awe, wemo ulaloleka wa muntu, lino ulaya mu makasa yakwe yayo alakukoma, lelo asi wakwe kaleza foo.

Danieli 11:4

Lelo apacisila cakuloleka kwakwe, uwene wakwe ulapalukana nga wankanikane pani. Yamwene asi yamu mupanda wakwe yalateeka mu cifulo cakwe, lelo yatalaya na maka ndi yano wene wakweti.

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Danieli 7:2

Vii ali vino ne Danieli naweni umu ciloto usiku: Imiza yapunganga ukufuma mu ntunga zyonsi zini ala ikuvundula yemba mukulu.

Danieli 7:6

Pacisila cakwe vii, lino ncili lolekesya, indola icinyama cuze. Cene calolike wa nangu, lelo apa nsizi yakweco pali amaapa yani, yano yakoline na maapa ya cunyi, nga cakweti ni mitwe ini nupya capilwe amaka ya kuteeka.

Danieli 8:22

Impembe zini izizile zitumba lino ulupembe lwankolelo lwavunyilwe ali mawene yani alayako lino uwene uo ulankanyiziwa nupya yatalaya akome wa wene wankolelo.

Danieli 8:5

Lino ncili elenganya pali cii, lilyo kwene ikwiza sawe ala watauwa ukufuma ku uwondaka, akusimula ulwilo cakuti inkamba zyakwe zyaula kukumya umusili. Wene wakweti ulupembe longa ulwalolike pakasi ka minso yakwe.

Danieli 8:7

Naweni kuno wene akukunula suuku. Wene wali umusoke wakwe cimwi cakuti amupuma nu kuvuna impembe zyoili. Suuku atakweti amaka akuitasya. Yamutamile pansi nu kumulyatola, nga kutali umwi uwa kumutuula.

Mateo 24:31

Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Mako 13:27

Alatuma angeli mu ntunga zini zya nsi ku kukolonganika asololwe yakwe Leza kufuma ku mpela yonga ya nsi kufika nu ku yuze kwene.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Umbwilo 7:1

Pacisila cakwe vii ndola angeli yani yaimi pa ntunga zini zya nsi, ala yati yalema imiza ini. Yacisile vii kuti umuza nanti umwi utapunga pansi nanti pali yemba nanti pa cimuti cili consi.