Danieli 8:12 - Amazwi Yakwe Leza 2013

¹² Antu yaifizye kuku umu cifulo ca kupeela impolelwa izilinge zya cila wanda, nga nu upefi wacumi wasumvilwe pansi. Ulupembe lulu lutaposiwe ukucita consi cino lwacitanga.

Danieli 8:12 Iomraidhean Croise

Yobo 12:6

Alino tala mulole! Aivi na antu atamanya Leza, yene yakaikalila ukwaula nu wakuyasonsomba. Fwandi yene amaka yao ali Leza wao.

Masamu 119:142

Wololoke wako ulayelelela pee, na masunde yako yalaya acumi pee.

Masamu 119:43

Undenge ukuti nalanda ivya cumi insita zyonsi, pano utailo wane waya umu upinguzi wako.

Masamu 28:5

Yene yasi sumba na mano yao ku vicitwa vyakwe Yawe, uku milimo ya makasa yakwe. Fwandi, Umwene ace ayaongolole, lelo ataca aezya nupya uku yakuula.

Ezaya 59:14

Ulungami swemo twautazyela, ni vintu vyaulungi tutacikalafukile kweneko. Tukavundawila sile ivintu vyacumi lino tuli umu ncende zya uculuzi mu miseo. Ucisinka muno tuli musi pali ndakai.

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Danieli 11:28

Umwene waku Silya alaswilila kumwao ale asenzile ni visampwe vyonsi, lelo umwenzo wakwe ulaya ku konona upefi wa antu yakwe Leza. Wene alacita ndi vino akasi nga lyene aswilile ku mpanga yakumwao.

Danieli 7:21

Lino ncili lola, ulupembe lulu lwalwisizye antu yakwe Leza nu kuyacimvya.

Danieli 8:4

Nalolekisye suuku wilya akusimula mu mwata wa kukunula ulunga nu ku uwondaka, ku katutu, nu ku kayeya. Kusi inyama imwi ino ingamulesyanya, nanti kuipususya ku maka yakwe. Wene wacisile ndi vino camuzanzizye nga wali ni cilumba.

Umbwilo 13:7

Cene cizumiliziwa kulwa na antu yakwe Leza nu kuyacimvya, nupya cipelwa amaka akuteeka pa mitundu yonsi, ni nko, ni ndimi, nga ni misango yonsi ya antu.

1 Samueli 23:9

Lino Davidi wamanya ukuti Saulo watapanga ukumukoma, anena Abyata simapepo ati, “Ndetele cakuzwala ca efodi.”