Danieli 8:11 - Amazwi Yakwe Leza 2013

¹¹ Lwaituumike kuti luye wa Mwanangwa wa vita vya mwiyulu, nu kulesya impolelwa zya cila wanda izyapeelwanga kunoli, nga nu konona Ng'anda ikulu yakwe Leza.

Danieli 8:11 Iomraidhean Croise

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Ezaya 37:29

Icaleka pano wemo wansokela, nu kuyuvwila nayuvwila nenga, kuno icilumba cako caticikutwala, ali cino nani namatala nkupezye. Namakutunga umu mpuno nu mukanwa, alino nkakupisye nu umu nzila kwene ino wemo wizile mwenemo, nkuwezezye nakuno wafumile.”

Yelemiya 48:26

Mukolesyini sile akoleke, pano watatalamila Yawe. Lekini Moabu aivumvunye mu malusi yakwe. Lekini asekwe.

Yelemiya 48:42

Moabu alononwa wa luko, pamulandu wakuti wene wasangukila Yawe.

Ezekelo 46:14

Nupya icipimo ca wila wa usu ukulingana na yakilogalamu yaili, ali cino cili nu kutuulwa cila wanda, na mafuta ya miolivi ukulingana na lita wenga, akukandila usu. Isunde lya kutuula ne Yawe uwila uu, lili nu kulondelwa pee.

Danieli 11:22

Ali wensi wino alamusangukila, nanti angaya a Simapepo Mukulu wakwe Leza, wene yalamukoma nu kumulovya.

Danieli 11:31

Asilika yakwe yamwi yalakowezya Ng'anda ikulu yakwe Leza. Yalaleka antu yate kupeela impolelwa zya cila wanda nga yimike ni Cawinyi ca Ononyi.

Danieli 12:11

“Ukutandikila sile lino ukupeela kwa mpolelwa zya cila wanda kulasila, kuli kuti, ukutandikila sile apa nsita ya cintu caononyi cakoofya, amanda 1,290 yalapita.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Danieli 8:12

Antu yaifizye kuku umu cifulo ca kupeela impolelwa izilinge zya cila wanda, nga nu upefi wacumi wasumvilwe pansi. Ulupembe lulu lutaposiwe ukucita consi cino lwacitanga.

Danieli 8:24

Wene alaya umukome wakwe cimwi, lelo asi ku maka yakwe. Wene alaleta uononesi uwipisye nupya alafikilizya vyonsi vino alacita. Wene alaleta uononesi apa antu yamaka na antu yakwe Leza kwene.

Danieli 8:25

Alalenga ukuti usomvi ucitike pamulandu wakuti wene incenjezi. Wene alaya ni cilumba nga alonona antu avule ukwaula kuyasoka. Nupya alakatukila Umwene wakwe yonsi, lelo alononwa ukwaula kuomvya amaka ya muntu.

Danieli 9:25

“We Danieli umanye nu kwiluka cii: Ukutandika apa nsita ino ilamulo lyapilwe ilya kukuula Yelusalemu cipya cipya mpaka ukufika nalino Musololwe Wilya aliza, palapita imyaka cinimbali amaila cinimbali. Umusumba wa Yelusalemu ulakuulwa cipya cipya nupya ulaya ni miseo nga namalinga akome, apa myaka cinimbali amaila amakumi mutanda na iili. Lelo insita iyo ilaya insita ya ntazi.

Mpendwa 28:3

“Uyanene ukuti yaa ali mawila ya cakulya yano mulinzile ukupeela kuli Yawe: apakupeela uwila wakoca cila wanda, yalinzile ukupeela yasuuku yaili ali nu mwaka onga nupya asi nu ulema uli onsi.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”