Danieli 7:13 - Amazwi Yakwe Leza 2013

¹³ Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Danieli 7:13 Iomraidhean Croise

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Masamu 2:8

Undenge, nga nani namakupeela inko zyonsi. Insi yonsi pano yapelela imaya iyakwako.

Masamu 47:5

Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

Yelemiya 49:19

Ndiza njapumikizye nu kuyazingila kutali, wakwe vino cisama akacita ukufuma mu matesi yakwe Yodani nu kutumbela mu nyika ya mulemvwe. Alino lyene ndiika mwenemo yano ntemilwe nemweneco. Aweni waya wakwe nene? Wino angandolwela aweni? Na kacema wino angimilila pa cinso cane aweni?

Ezekelo 1:26

Papela ya cimpingizya pali cimwi calolekanga wa kaliwe kayengese kamutengo, akali wa cilimba ca wene. Alino papela yakwe cico, icikoline wa cilimba ca wene, apapela sile, pali uwalolekanga wa muntu ukuya papela.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 7:12

Ivinyama vyuze ivipokololwa amaka, lelo vyazumiliziwe ukuya nu umi apa nsita imwi.

Danieli 7:2

Vii ali vino ne Danieli naweni umu ciloto usiku: Imiza yapunganga ukufuma mu ntunga zyonsi zini ala ikuvundula yemba mukulu.

Danieli 7:22

Lyene wiyo uwaliko ku katalili aiza nu kupingwila antu yakwe Leza Wapapelapela. Insita yatifika yakuti antu yakwe Leza yapokelele amaka ya utesi.

Danieli 7:9

Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Danieli 8:15

Lino ne Danieli nalolekisye icilolwa nu kwezya ukwiluka, lilyo kwene kuloleka umwi ala aimi apa nkolelo yane.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Mateo 24:30

Pa nsita ilya, cilangililo ca Mwana wa Muntu cilaloleka mwiyulu. Na antu amu nko zyonsi mu nsi yalalosya lino yalalola Mwana wa Muntu akwiza mu makumbi na maka nu lulumbi lukulu.

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mateo 26:64

Yesu aasuka ati, “Watuvwanga. Lelo nkunena mwensi kwene vino mulalola Mwana wa Muntu atenzi kwi kasa lilunji lyakwe Leza Wamaka yonsi nu kwiza mu makumbi.”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Mako 13:26

Alino Mwana wa Muntu alaloleka, akwiza mu makumbi na maka akulu nu lulumbi.

Luka 21:27

Alino Mwana wa Muntu alaloleka, akwiza mwi kumbi na maka akulu nu lulumbi.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Yoane 12:34

Caleka iumba limunena liti, “Tuvwile mu Masunde itu vino Katuula uwalavilwe alaya nu umi manda pe. Uzye lyene wemo ungavwanga uli uti, Mwana wa Muntu alinzile kusamikwa pa cimuti? Uzye Mwana wa Muntu wii aweni?”

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Yoane 5:27

Isi wamupeela insambu yakupingula milandu pano wene Mwana wa Muntu.

Milimo 7:56

Ayanena ati, “Lolini! Nalola iyulu ililekuka nu Mwana wa Muntu aimi kwi kasa lilunji lyakwe Leza!”

1 Tesalonika 4:17

Lyene swemo, swe muno tulaya aumi pa nsita ilya, tulasendwa pamwi nao mwiyulu mupela mu makumbi ku kukomanya Mwene. Alino kufuma pa nsita ilya tulaya pamwi nu Mwene lyonsi pe.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Umbwilo 1:13

lyene pakasi ka vyakutekapo inyali cinimbali pali wino walolike wa mwana wa muntu, ala azwite umwingila uwafisile na pa ngazo zyakwe, nupya wazwite cimusipi cakwe zaabu pa cifuwa.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Umbwilo 14:14

Nupya ndola ikumbi litiswe, nga pi kumbi patenzi umwi uwalolike wa Mwana wa muntu, ala azwite ingala yakwe zaabu nupya alemile cikwakwa cikali.